فتات من وجع ... لمحمد علي السعيد ...
فتات من وجع
محمد علي السعيد
ما عَرَف طعم عمقك يا السبات
جفن من هو سرى ليل امنياتـه
في سبيل انه يْبات... استمـات
وما غفى غير صوته في سكاته
يحسب الصبح درب الأمنيـات
لين خانـت بْوجهاتـه جهاتـه
عتمته كثر ما راحـت وجـات
ما حصل له من النـور التفاتـه
قام ينثر ألـم ذاتـه فْ ذات...
ليله اشبـه بْمأتـم نايباتـه!
حرّك الراكـد مْـن الذكريـات
يوم ذبّ فْ بحر حزنه حصاتـه
في يده من شقـا وقتـه هبـات
غارق وما معه طـوق لْنجاتـه
جايع وما لْ فمْـه الاّ فتـات...
من أمل يمضغه ذاته لْذاتـه
يسمع بْتسميـة (سكـر نبـات)
قبل ما المـر يستوطـن لهاتـه
في مهب الشعر جَمْعـه شتـات
طرسـه يْلّـم وتبعثـر دواتـه!
فيه من كل مـا يكتـب سمـات
ما سواة الحـروف الاّ سواتـه
محجره ناي... مدمعْه اغنيـات
والتناهيت ترقص فـي شفاتـه
هـجّ بـاب الكـلام لْبـوح آت
يوم غار انكسـاره مـن ثباتـه
منه اخذته... ولكن (من سُكات)
لا يحّسـون عشـاق الشماتـه
ودّي احييه لـو حلمـه مـوات
بعد طالت على اوجاعـه أناتـه
كل ما قلت له: ما فات مـات
قال: حتى ولو هو مات هاتـه!
شوف كم ميّت احيـاه الرفـات
وشوف كم حيّ ميّت في حياته!!
.
.
.
وسلامتكم ...
