السيره العطره لا تكتمل الا بأكتمال أخر حلقه من عقدها الفريد والبراق والزاهي
وأنا هنا سوف أتحدث عن شخصيات فذه ونادره وقد أثرة بتاريخ جيلها بشكل واضح للجميع
هنا أضع بين أيديكم سيرة عطره للشيخ الفارس الملهم وادي بن عيد بن شايع وسلسلته الذهبيه
اللتي فازت بكثير من الأنجازات القبليه من شيخه وكرم حاتمي وبطولات يصعب على الفرسان الأشداء فعلها
فالشيخ وادي الشايع هو حامي ديار الشعبه وهو منصى الجميع في زمانه
نسبه- :
هو الشيخ وادي بن عيد بن عبدالله بن شايع بن معيوف الشايع العليان من الدغيرات من عبده من شمر
وله من الأبناء خمسه :
1/ عيد
2/ فهد
3/ فهاد
4/ مشعان
5/ هجرس
رحمهم الله وأسكنهم فسيح جناته
نسب أمه :-
هي الشيخه معاش بنت الشيخ الفارس والكريم الحاتمي:-
خلف بن ناحل شيخ الأحامده من قبيلة حرب
وهو أكرم رجال في زمانه وقد مدحوه الشعار بالكثير من القصايد ومن ضمن القصايد قصيدة
الأمير الشاعر حمود بن عبيد الرشيد وهو يثني عليه ويمدح أفعاله حيث قال :-
يامن خبر يحذى وهو ماكسب شين **ياكود أبن ناحل بماضي الزماني
وأمه الشيخه معاش هي اللتي مدحها الأمير حمود العبيد ال رشيد بقصيدته
لجمالها ونسبها العالي عندما كان يأتي لأبوها ليجمع زكاة قبيلته وقد خطبها ولاكن لم تكن من نصيبه وذالك لأنه قد سبقه بها الشيخ عيد الشايع وخطبها قبله
فقال:-
معاش خذت قلبي بزين وقدي= وعيون يودعن الضماير بجادي
عسى جمال البدوا ماله مقدي = توخذ جمال علمته البوادي
وقد كان الشيخ وادي الشايع من أبز ماذكر من مشائخة القبائل في جيله وله من الصولات والجولات الكثير والكثير هو وأخوه الشيخ ضيدان ولقد شاخو على ربعهم بطيبهم وشجاعتهم وعندما سقطت حائل شدو الى أبن شريف ومشت معاهم فوق المائه والثمانون ركوبه لمبايعة الشريف ولاكن رجعو بعد ذالك عندما علمو بان ابن رشيد بايعهم وابن نهير وابن جبرين وابن هباس وابن سبهان وجميع شمر وقد بايعو الامام عبدالعزيز ال سعود مع من بايعوه من كبار شمر ..
فمن أكبر ماذكرت له من شجاعه عندما أخذت أبل جارهم السرباتي الحربي من قبل مراسيل الأمير سعود العبدالعزيز ال رشيد فقد قام الشيخ وادي واخوه الشيخ ضيدان وأبن عمهم الشيخ سالم الهجرس الشايع لمنع وصد المراسيل لكي ينهوهم عن أخذ أبل جارهم ولكن المراسيل لم يعيروا تلك الجاهه أي أهتمام وأخذوا الأبل وذهبوا وبذلك حسم أمر الرد على تلك الفعله اللتي لايرضاها الا هافي الاصل وفعلاً أتفقوا على أخذ نياق أبن رشيد وفعلوا ذلك بعد أن باعوا أعمارهم دون دم وجههم فقامو بالتخطيط لأسترجاع أبل جارهم وبالفعل فقد أخذ أبل أبن رشيد وقد تمكنوا من فعل ذلك بشجاعتهم وقد أسترجعوا أبل جارهم السرباتي ,ولاكنهم تجرئو بعد ذالك وفي المره الأخرى اللتي كانت بمثابة التحدي لفرسان سعود ابن رشيد وقد كسروهم وطردوهم وهم في مراح الأبل في منطقه يقال لها بدنه توجد بها أبل ال رشيد
وعندما علم أبن رشيد غضب ولكن للقصه تطول وتطول نعم ايها القراء فأنا مهما أتحدث عن هذا الهرم فأنني لن ولن أوفيه حقه ولكن سوف أختصر بعض القصائد التي سوف أذكرها لبعض مغازيه واللتي ضرب من خلالها أروع البطولات وأشدها..
هذه القصيده قالها الشاعر الكبير خلف أبن مظهور أبن غازي العليان
وهو يمدح ويثني على الشيخ وادي بن عيد الشايع ويمدح سلالته وشيختهم البارزه للعليان
البارحه واليوم ماني جوادي =من علتاً عيا مرده يبيني
لاجا الضحى سجيت انا يم وادي=عقب الشيوخ القدًم المقدميني
وخذيت من زين القهاوي مرادي=فنجال ماحافه خطات المهيني
وهذه قصيده الشاعره شطه بنت ساجر المسمار من العليان وهي تثني وتمدح الشيخ وادي بن عيد الشايع راعي الشعبه ,وتدعي له ولدياره بالحيا والخير وايضاً تشكي همها وقلقها وحزنها على غياب ابنها الشيخ كنعان الشايع الذي ذهب في أحد المغازي وأطال في غيابه
شطه بنت ساجر المسمار
قلبي لفيح الطير ودمعي غواريق=وقلبي لفيح الطير وان جا هداده
عسا الحيا يسقي ديارك ياأبو عيد=عسا مزون الغر عز الربابه
تضفي على الشعبه وتسقي هكا الغيد=ومن غبها بالروض خضر جنابه
اللي بوادي النيل جونا رواويد=والي ورى الأجفر هذي ركابه
حتى يجي كنعان ويشوف ماريد=حلو فرج ربي عجلاً ثوابه
ننتقل الى أبناؤه وأحفاده الأفاضل وماقيل بهم من شيوخ قبيلة شمر ومن شعراءها..
فهذه قصيدة الشيخ المرحوم / سعود بن عبدالكريم بن محمد العبدالكريم ( أبوخوذه ) الجربا
عندما مدح الشيخ الأمير وادي بن عيد بن وادي بن عيد (ابو الرجوم) الشايع وجميع الشايع لكرمه وجمال صفاته
ووقفاته الشجاعه والرجوليه اللتي سمعها وشاهدها الشيخ سعود الجربا عن الشيخ وادي الشايع فمدحه بهذه القصيده الرائعه والشامخه
فهذا هو حفيد شيخ شمر أبوخوذه
وهو يمدح حفيد كبير العليان الشيخ الأمير وادي بن عيد الوادي الشايع
تحية مني لليث الأسعارى=لوادي ابن عيد عذب التكلَم
من ديرتي سنجار قصد الحرارى=ونعمين أبو عيد اليا جيت مهتَم
وليا نخيته مايتعذر عذارى=حصان مجرب مايبيله معلَم
ياأمير يانسل الشيوخ الأمارى=لاقلت وادي كل الألسن تحطَم
بابه مشرع ليله مع نهارى=لسان يهلي وسفرته كلها نعَم
ماهو من اللي شوفته في زرارى=حايز على الطولات في كل مالَم
الأجودي علمه يفوح أفتخارى=مثل الهرم مشهور من غير سلَم
فرسه وكرم ومرجله وانتصارى=مثل سلمى تشهد فعلهم أمتلت دم
يوم الشريف يصول بكل أقتدارى=عيت سناعيس الجبل ماتبي تلَم
ذياب على نطح العدى بأفتكارى=ليا حضرو الشايع قلت انجلى الهم
اللي نهار الكون شبه السكارى=عدوهم مشهودله يجرع الَسم
اهل العلا وأهل الخيول المهارى=اليا جيت رجال عيد أسلم وسلَم
هذا صحيح ماطرابه قمارى=الفعل لله واحد دوم يعلمَ
ختمتها بفالق دجاها ونهارى=بصلاة ربي للصعد عالي الشم
وهذا هو المرحوم الشيخ أبن الشيوخ عيسى أبن شويش العجرش
وهو يمدح الشيخ وادي بن عيد الشايع وجماعته الوادي والشايع بعد مارأى من أفعالهم الطيبه وموافقهم الرجوليه والشيخ عيسى هو صاحب محلة العيسى بالديار السوريه وهو من سلالة الشيخ الفارس شويش العجرش صاحب قصة طيور شلوى..
ابدي بقولي برب العباد بادي=الي نجا يوسف من كيد الاخوان
الواحد الي سامع الي ينادي=هو الوحيد الخالق الأنس والجان
وشد من خيل العجرش جوادي=تنصى على نجد تبي الشيخ ولهان
الشيخ ولد الشيخ لشيخ وادي=اكتب قصيده مصطره بوسط ديوان
الصيرمي نطاح وجه المعادي=وادي ابو عيد السنافي بوكدان
الحر فكاك الضعيف الي ينادي=عز ولو انه من الوقت حيران
به المراجل والمراجل وكادي=والشيمه الي مالمسناها ينسان
يدوس بنعاله بكبد المعادي=الي على درب النميمه لهم شان
الذيب نسل الذيب ذيب البوادي=الي على درب المواجيب سهران
وراعي علم الطيبات العدادي=الي بفعله شهادة كل الأزمان
يوماً يقال الطيب من الاجوادي=الشيخ وادي من هلا الجود واحسان
لصينيته لكل البشر هو ينادي=يامشبع من منسفه الف جوعان
وياما دعى له الف مظلوم كادي=كاديبه الحظ العوج دوم تعبان
راعي المواقف والمواقف وكادي=من شمال الجزيره ليا صوب نجران
بنجد تشهد له جميع العبادي=(وصيته) وصل ارض الجزيره وكدان
له رايتاً ومابه سوادي=بيضاء عساها رايته بكل الازمان
على جنان الله ملقاك وادي=عساك ماتقضي في الوقت حيران
وعسى الوالي يرزقك خير الولادي=ومايوم تشكي من عن االوقت ندمان
كتبت في ليالي وقبل الرقادي=ابيات مدح للأجاويد واحسان
يقول عيسى على الخير بادي=الي بدا بالطيب هو راعي الشان
وصلاوات ربي عد سهل البوادي=على النبي الي معه خير الأديان
وهذه قصيدة الشيخ مشاري بن عيسى بن شويش العجرش بالشيخ وادي بن عيد الشايع
وهو يثني ويمدح عيال عمه الوداي وجماعته الشايع
قال العجرش قافاً مالها امثالي=بقافاً وشدينا من الهجن بالحال
وشديت ناقتاً من نياق الهلالي=شديتها ومشيت انا سهول وحبال
ونطيت رجماً فيه كل المعالي=ولقيت من يفدى بروحه ولاهو بزلال
أهل الفخر يستاهلون المعالي=يستاهلون الي يكتب بهم امثال
مبداي في شبلً من خيار الشبالي=وادي عريب الساس من نسل الأبطال
عز الضعيف وعز كل الذلالي=نطاح صعبات المعاجيز واثقال
من لابتاً تهابها الرجالي=وتخضع لها كل الميادين بالحال
ال وادي هلا الطولات واهل المعالي=الطفل منهم عادل الفين رجال
هم كسرو رقاب كل الأنذالي=والأرض والينها بطيبهم بالاميال
وادي من رجال الثقالي=وادي كاسر راس كل من عال
وادي انت من عظام الرجالي=من خلفة عيد به زين الامثال
شامخ برفعة راس الجبالي=صلباً عظيم بأسمه الشعر ينقال
حراً ولد حر عريب الخوالي=هو طيباً ووقت الغضب زلزال
ديوانهم يندار في جمالي=لحم الغنم حتى مع الجمال
طيباً وفيه الطيب اوتالي=زيزوم من رحمة شكت الرمال
ابن عيد عريب الخوالي=طيب وطيبه سيرتاً لكل الأجيال
أما فعله وفعله محالي=فعله عظيم وبه الشعر ينقال
صنديد كسار رقاباً طوالي=الي خشومها رافعينها بالأميال
خلايف عيد بن شايع عزيز الرجالي=عز الضعيف الي تبلاها الأنذال
فعله عظيم في كل الكمالي=ماشي بشرع الله مايوم هو عال
معطر الفنجال عند الدلالي=طيبه وفيه الطيب للكل ينقال
يارب منك وعليك اتكالي=ياغافر الزله يامسير الحال
يارب يافكاك قيوداً اثقالي=يافارجاً من بعد ضيقه وترحال
نطلبك عز وادي ابن المعالي=ابن المعاني الطيبه ابن الأمثال
قالها مشاري في خيار الرجالي=لمعدلين الحمل لامن كده ومال
وصلاة ربي عتد ذاري الرمالي=على الرسول المصطفى سيد الاجيال
وهذا الشاعر الجزل عواد مفرح الجعفري العنزي
يمدح الشيخ وادي العيد الشايع
ونختار منها:-
ياوادي يامشكاي نسمع بطاريك=يثني عليكم يوم يجي مجالك
انت الكريم اللي بعيده هقاويك=وطيب ساسك مطلبك راس مالك
انت الشريف اللي جزيله مباديك=ودايم على الطولات تتعب رحالك
تم الجواب وصادق المدح يزهيك=حقاً علينا نذكر أطيب خصالك
هذه قصيدة الشيخ عيسى بن شويش العجرش وهو يمدح أفعال ابناء الشيخ عيد الوادي الشايع وهي موجهه لشيخ العبدي بن عيد الوادي الشايع
سميت بالله والنبايه وجبريل=في قافاً نقيته بخير العناوين
من ثم شقرا أسرجه بأول الخيل=تقطع فيافي الأرض والناس نايمين
شقرا اصيله صاحبه مخاوي الليل=من خيل العجرش مهديه للغلامين
معا مني كاتباً زينها الجيل=جيلً ذكرته في جميع الدواوين
للي بيته زاهبات المعاميل=صبح ومسى لحضوره الناس ساعين
للهيل عطر دلته والفناجيل=مشهود بأسمه في جميع الدواوين
للصيرمي فكاك ثقال الغرابيل=للحر ولد الحر عز البريين
كل من نصاه ماشكا منه الويل=في عز الله لو بقى عنده سنين
فارس بني شايع تشهد له الخيل=ياما رمو فرسان وسط الميادين
والدم من رماهم يشبه السيل=سيلً غشى نجدً وحتى المحيطين
خلايف أبن عيد المجابيل=عز الضعاف وعز كل المساكين
ثقال الروزا مابهم صغير الجيل=فكاكة المنصاب عز المجيعين
مهونين الصعب لو كان بالحيل=الشور واحد ماتبارو على الشين
لا قلت ابن العبدي نوفً على الجيل=على الشريعه وعزة النفس ماشين
حكيم ماأطلق قراراً بتعاجيل=من ناس فهيمين وناساً حكيمين
شيوخاً معروفين بكل المنازيل=منزل رفيعاً من جميع الملايين
ياما بيته قلط خرفاً الحيل=بالصنايا مامثلها شافت العين
من جاه عاني مالفى يمه الويل=عز الدخيل وعز كل المجيرين
من يوم حاتم يذبح أول الخيل=بالطيب لك منبع ونعمن ونعمين
وقبل ابرهة يوماً لفا راكباً الفيل=جدك برز من المراحل قويين
فعله بخصناه وشهد كامل الجيل=له نجد تشهد والبشر له شهيدين
يارب يامبدل نهارك قفا الليل =ياسماعع دعوى ألوف المصلين
ياربنا ياكاسر حمالة الفيل=يوم أبرهه ناوى خراب الحرمين
ياقابل التوبه يامنزل الويل=تفك ناسً في جوار الحرمين
تفك ربوعنا من جميع الغرابيل=من شر وقتً فيه الناس ساعين
تعز العبدي معدل المـــيــــــل= تعزه بجاه كل البريين
راعي الحمول وشايلً كامل الشيل=ماشي بعون الله ماشي على الزين
وحياة من أرسل طيور الأبابيل=أنهم على درب الكرم هم سارين
وصلاة ربي أنتهى بأخر الجيل=على النبي المصطفى ناشر الدين
هذه القصيده للشاعر الكبير المرحوم دحام مرعي من التومان من أهل الكويت
وهو والد المخرج الكبير والمتألق المعروف محمد دحام الشمري
ويذكر في قصيدته شهامه وأصالة وفروسية الشايع ممثله بأبناء واحفاد الشيخ عيد بن وادي العيد الشايع ويوجهها للشيخ العبدي بن عيد الوادي لأنه هو صاحب الخير والعطاء ووصل الأخوه في ذالك الأمر :-
علوم طرت لي من سنين مباعيد=من راس فكري قافها والمرادي
من زود فكر صاغها بالتواريد = بعزوم فكر ساقها من ابعادي
من زود فكر صاغها بالتواديد=مثل حلام الليل علمه وكادي
على سنام الطيب وافين التحاميد=العيد اذا عدو شيوخ البوادي
مقدام قوم يتعبون المطاريد= يوم الركايب والسبايا طرادي
والناس تذكر للعبدي مسانيد=مواقف بالطيب علمه اسنادي
بمواقف يوم الليالي معانيد= يثني لربعه والمواقف شهادي
ماقال قول وخالفه بالمواعيد= يوفي كلامه بالوفاء واعتمادي
خلايف اللي بالزمن له مواكيد= بعلوم صدق وافيات المدادي
شيخ خذا بالمجد علم ومحاميد=بارض الصحارى والسهل والحمادي
حقايق فيها النشاما شواهيد=يدري بها كل الملا والعبادي
شمر تخبره من قبل زيد وعبيد=كريم سبلا ماتمد الزهادي
من شايع الامجاد حق وتوريد= شيخان من شيخان علمه وكادي
من مارد جمه غزير المواريد= لو تارده كل العرب والبوادي
أهل الجوار اللي علومه رواديد=وأهل الكرم يوم الليالي شدادي
تسجلت بعلوم كتب ومشاهيد=بصفحات كتب ماغشاها سوادي
على النقا ماقلت فيها تزاويد=علمه صحيح وصادق القول بادي
وتسعين نعم منكم ياشبال عيد=وعليك ياذيب السهل يابن وادي
مبداي شعر مالقوه القواصيد= مني لأبن شايع عريب الجدادي
هذي علومي كلها والمناشيد=أبديت فيها غاية من مرادي
وعسى سلفكم من حرار مهاديد=يعجبك طلعه من طيور الهدادي
واختم قصيدي عن كثير ولا أزيد=ويسلم خيالك يابعيد المعادي
وهناك قصائد كثيره وبما أنها من شعار العليان والدغيرات فسوف نختار بعضاً منها:-
قصيدة الشاعر فاهد جارالله العلوي من العليان بالشيخ وادي العيد الشايع
ياوادي يابو عيد ياحر الأجاويد=ماكره بالمكحول ولا بسنجار
عليك حلايا الزير وذياب وابا زيد=وحاتم رخيص الروح وغيثاً على الجار
وجدعان مصوت بالعشاء ومنجن بن مهيد=ذباح سمان الحيل ومسبل الكار
والجد الأول لياذعذع يابن عيد=باليالي الشتاء ماتطفي عنده النار
والمدح مايدركه كل رعديد=الا هلا العادات صلبين الاشوار
وترى النداوي يذبح الصيد=والبوم بوم ماكره بقاعة الغار
اسمع كلام المدح وقاف القواصيد=مايمدحون الا اهل المدح والخيار
عشيق عينه تقل عين فريد=وترعى من صبح اليا شعيب الحار
والمدح مايجي على كيف ماتريد=والكذب ماينفع كذوبين وقمار
والي يقطع الفرجه والخدود الريد=الابتوع يبدل الدار بديار
الله يفكك من عيون الحواسيد=يالي على كل المواجيب صبار
الشاعر بندر بن متعب الرسام الشايع وهو يثني على الشيخ العبدي بن عيد الشايع
من طيب وكرم:-
سلام ياحرً تعلى المراقيب=صيده من الجزلات ماهن هزالي
العبدي اللي فاز في قمة الطيب= شيخً يعز الضيف قرم العيالي
رضي والد ..مع رحم مع مواجيب= الله يمهله بطول الليالي
نزيه عن درب الملامه عن العيب=شيخً رقا بأخلاق وللعز طالي
حقً علي امدحه ويستاهل الذيب=هذا الكريم اللي له القدر عالي
ومثله يخلد بالشعر والمكاتيب= ويبقى لكل الناس رمز ومثالي
الطيب فطره مايجي بالطاليب= ماقال حاتم طي صعب الوصالي
بندر أبن رسام صاغه بترتيب=لجل أبن وادي عزيزً وغالي
يالله ياللي تسمع الصوت وتجيب= أنك توفقني لحسن المقالي
قصيدة الشاعر نواف بن نهير العلوي
وهو يمدح الشيخ العبدي بن عيد بن وادي بن عيد الشايع
ياراكب الي تقطع القاع لعبدي= ماعليه ألا الدل شيً نزايع
أسرع من الشيهان يادلى بربدي= منوة غريبً عن قرايبه ضايع
ياراكبه كزه لأبن عيد عبدي= الشيخ كساب الجميل ابن شايع
شيخً يهلي ينطحك حين تبدي= وشاريته ترحيب يطفى الطبايع
بمجلس مفروش مخمل ولبدي= والبيت ريحه بأفخر الطيب ذايع
وصينية فوقه مفطح وكبدي= والسمن فوق مفطح الكبش مايع
وطاريه يفرح كل من قال عبدي= حيثه بدرب الطيب شاري وبايع
محداً يلومن يوم بالقاف نبدي= المدح لأهل المدح ياأهل البضايع
وصلاة ربي عد مالليل يبدي= على الرسول اللي فرق بالشفايع
قصيدة الشاعر مساعد بن عنيزان الحسيني
وهو يمتدح الشيخ العبدي بن عيد الوادي الشايع ويذكر أمجاد أهله وأجداده الشايع
يالقرم أنا جيتك مسير يابن عيد=ياعل من جابك لخضر الجناني
ياعقب ربعاً بالملاقا صناديد=ياثار عج ملاعبات العناني
أهل رفاف بها دلال بغاديد=وتلقى الشحم بمركزات الصياني
كم رايةً بيضاء رفع له وتمجيد=خوالي الشايع عيان وبياني
وصلاة ربي عد ماتطلع الغيد=على النبي اعداد عد الثواني
وسوف تكون هناك سلسله ذهبيه تخص عموم الشايع
لكي نسلط الضوء على مشاهيرهم وكرمائهم وفرسانهم الذين
ظلموا عبر الشبكه العنكبوتيه كما ظلم الكثير من شيوخ وفرسان
وكرماء الدغيرات ولم تظهر الا سيرة البعض منهم وقد أعتقد الأعضاء
بانه لايوجد بالدغيرات غيرهم ولذلك فقد كانت البدايه بموضوع الشيخ الزعيم
الفارس الكريم الشاعر عيد بن عبدالله الشايع وهذا هو الموضوع الثاني
وسوف نمر على التاريخ الحافل لمعظم رجالات الدغيرات الذين أثروا بتاريخ أولاد علي
والى ذلك الحين نلتقي..!!
منقول عن سعادة الاخ الفاضل ماجد بن وادي الشايع
