كن الأيـام طفلـة .. تستحـق العتـب
السلام عليكم ورحمه الله وبركاته
وكل عام وانتم بخير
قصيده رائعه للشاعر عبدالله البكر التميمي
اتمنى ان تنال اعجابكم واستحسانكم
ليت نار المحبة .. بالمحانـي تشـب
دام حزني نسيـم .. وذكرياتـي جمـر
وليت كل الخلايق لا تمـادت .. تحـب
كان شفت المساء ساجد سجود الشكـر
وليت نور المدينـة مـا درى وإكتـأب
وما طفى .. يوم قرب موعدك يالسفـر
كن الأيـام طفلـة .. تستحـق العتـب
تركض ولا درت باللـي وقـف منقهـر
غابت من السماء شمس .. وبدا ينكتب
عالصدر .. وش كثر حبيتها .. وش كثر
داخل القلب بنـت ٍ .. غارقـة بـالأدب
ما تساوت مـع باقـي بنـات البشـر
طيبـة .. ماتعـرف إن المحبـة تعـب
ناعمة .. ما تعرف إن الغصن ينكسـر
تلمس الأرض .. تتحول مناجـم ذهـب
تدعي الغيم .. يحضر في يديها البحـر
تبتسم .. تضحـك الدنيـا بليـا سبـب
كنهـا مابغـت تلقـى وسيعـة صـدر
غيـرت طعـم هالدنيـا بطعـم العنـب
صار كل الكلام اللـي تقولـه .. عِبـر
كل الأسماء .. وكل ما سمّي و ما إنكتب
زخرفه .. لإسمها الجالس بعرش السطر
كنت أحبه وأحب الماء وأحب السحـب
وصرت احبه وأحب إسمه وأحب السهر
لي متى ..والزمن قاسي وطبعه صعب
لي متى .. والفراق أردى رفيق ٍ حضر
لي متى .. أنتظر ريح التلاقـي تهـب
وتنقشع غيمة الغيبة .. وبـرد السفـر
