اللي مايقدر ياصل اللولو يثمن جيته !!
السلام عليكم ورحمة الله وبركاته
الاخوان والاخوات في مضايف شمر ها انا اضع كيبورديتي الجديدة بين ايديكم
وهي مجاراة للاخت الشاعره لطيفة الشمري في قصيدتها المسماة بكأس العتيم
ولا عجب ان هناك من يثير بوح المشاعر في الاوزان والقوافي والمعاني كالاخت لطيفة الشمري
فاتمنى تقبلها بصدر رحب
الليل روّح لا صديق ولا ونيس ولا كليــــــــم
ماغير اقزّر طول ليلي وانتظر فجريتــــــــــه
جيت المضايف علّي القى قاف موزون وسليـم
وابحرّت مدري وش يضم اليم في جوفيتــــــه
لقيت حوت مايجيب القاف من غير الظليــــــم
يعني سمك يم البحر تعجز تجي قافيتــــــــــــه
تكتب على قاع البحر انا هنا والنيم نيـــــــــــم
واللي مايقدر ياصل اللولو يثمن جيتـــــــــــــه
احيت ظلوعي مثل مايحي المطر عود الهشيـم
واروت معاليق الحشاء من سكب نابع ميتـــــه
والشعر عود وقافها يشبه نسانيس النسيـــــــــم
يثني زماليق القصيد وينتشي فنيتــــــــــــــــــه
والشعر ذوق وذوقها ماهو مثل ذوق الغشيــــم
اللي مايدري ويش حسناته ووش هي سيتــــــه
من قافها عرفت بان الدر من تحت العتيـــــــم
وقدرت بان اللي نظم يشكر على وزنيتـــــــــه
وسلام يابنت الفخر بنت الحشيم بن الحشيــــــم
وسلام ياشمس القصيد اللي تكفكف فيتــــــــــه
وسلامتكم
اخوكم نواف الدحام ( صلهام )
