شــــــــــــمر صـــــراط المــــــجــــــد
تقبلو تقدير واترككم تحلقو في سماء الابداع مع
شـــمر صراط الـــمجد
يــا حــرف اغــرف مــن معاليـقـنـا شـــوق
وصـبــه غـــلا لأهـــل الـشـمــال بــوقــاره
ولا تـلـفــي إلا كــــود جــــزلٍ ومــطـــروق
وأنــســج خــيــوط الـمـبـدعـات بـمــهــاره
ألـبـس جمـيـل الـثـوب مــن عــز منـطـوق
منطوقـنـا الـلـي فـيــه ( ثـقــل وحـــراره )
ياكبـر حـظـك . . جـالـك المـجـد مطـفـوق
لأنــك حـضــرت بمـجـلـس أهـــل الأمـــاره
أن قلت شمر . . صاحـت القـاع مـا تعـوق
أشـهـد لـهـم بـــأرض الـعــرب والـحـضـاره
أن قلت شمر . . تشهد الشمس بشروق
مـثـلـي وضـــوح ومـــا يـغـطــى اجــهــاره
أن قلـت شمـر . . القـمـر ينـطـق انـطـوق
لـعـابـر سبـيـل بلـيـل ( نــوري . . ونــاره )
أن قلـت شـمـر . . للـكـرم فيـهـم حـقـوق
فـــي جـدهــم حــاتــم خـذيـنــا الـعـبــاره
أن قلت شمر . . يعوي الذيب : بي عـوق
هــــم مكـرمـيـنـي يــــوم كــلــن بـــــداره
أن قلـت شمـر . . تشهـد الخيـل والـنـوق
يــــــم الـعـلــيــا حـامــلــيــن الــبــشـــاره
أن قلـت شمـر . . رفــرف البـيـرق ايـفـوق
مــا أطـيـح أنــا والشـمـري فــي مـســاره
أن قلت شمر . . ما يجـي الـدرب مفـروق
شـمــر صــــراط الـمـجــد عــــز افـتـخــاره
أن قلت شمر . . جاكـم السيـف مطفـوق
يـاكــم شـيــخٍ مـضـربــي فــــي انــحــاره
صغـيـرهـم وقـــت الـلـقـا تـقــل مـصـفـوق
فـــزة مسـيـسـن يــــا عــــرب طــــق زاره
تاريخـهـم مــا جــا عـلـى الـكـذب والـبـوق
ولا قــربــة الــوالـــي ولا هـــــي تــجـــاره
أن جـيـتـنـا أشــــراف كـالــــدم بـعـــــروق
وأن قـلـت فــي حـاتــم جـزتــك الاشـــاره
يعـنـي عـلـى الصوبـيـن مــا فوقـنـا فــوق
مــن فـضـل ربــي والـعــرب لـــه مـســاره
الـمـجــد والـتـاريــخ ملـبـوسـهـم طـــــوق
طـوق الذهـب مـن صنـع (شـمـر ) مــداره
تـصــفــح الـتــاريــخ والــعــلــم مـــوثـــوق
يــشــهــد لــشــمــر بـالـعـلـيــا صــــــداره
ولـكـم التحـيـه يـاهـلـي وكـامــل الـــذوق
مـــن راعــــي الـعـلـيـا عـلـيـكـم مــطــاره
وسلامتكم ولا قصور بالقبايل مما راق لي
لـلـــشاعـــــر
( حــــمــد عــويـــد الربـــع الـــتــومـــي )
< الـــــمــــدمــــــي >
