حبي الاول

ابي اكتب شعري الليله وابيّن فيه حب انسان
الا يا صاحبي تكفى ابيك اليوم تذكرني

انا جيتك صدى صرخة تفجر داخلي بركان
انا فيني عذاب اللي في بعدك حيل مرمرني

عجزت انسى بأهاتي عذاب وفرقى وحرمان
وكيف انساك ياغالي وانا ذكرك يصبرني

اذا طيفك لمح مرة اطير من الفرح فرحان
اعيد امجاد فرحتنا . منو اللي كان ينطرني

منو اللي كان يهنابي منو اللي كان لي عنوان
منو اللي كان ينثرني ويلملمني ويبعثرني

منو اللي كان لا جيته تبسم للحياة وكان
يشوف الحب في عيني يشوفه حيل يأسرني

اذا ملح الحيا بيّن تأكد ان وراه فلان
لانك يا بعد قلبي فراقك حيل يكسرني

الا يا حبي الاول انا قلبي لكم ولهان
انا قلبي وما يملك رهن امرك تأمّرني

انا كلي فدى صوتك يالبي صوتك ليا بان
احس روحي بعد حسك غريب الكل منكرني

فديتك لا تتأخر يوم انا كلي قهر واشجان
فديتك رد في روحي . تملكني . تأسرني

واذا طيفك لمح مرة اطير من الفرح فرحان
اعيد امجاد فرحتنا . واعيد احلام تسهرني














لمحدثكم





عبدالكريم فيصل الشمري








































بس ياليت يالربع تعلموني كيف اقدر انسق القصيده

انا جيتك صدى صرخة تفجر داخلي بركان=انا فيني عذاب اللي في بعدك حيل مرمرني

عجزت انسى بأهاتي عذاب وفرقى وحرمان=وكيف انساك ياغالي وانا ذكرك يصبرني


صح لسآآنك والله ....أبيات جميلة جدآ ورائعه

لاهنت

صح لسانك أخي /

عبدالكريم العبهولي


حضور جميل و شاعرية جميلة


بالنسبة لتنسيق القصيدة ، ، فإن هاك التنسيق ضاع مع آخر تحديث

و للحين نحنا مثلك ننتظر الله يفرجها على أبو سلطان و يرجع لنا اياه :)





دمت بخير



أختك

الدهور

صح لسانك

لاهنت