زمــان المـهـزلـه ...!

صبحكم / مساكم الله بالخير جميعااا





تحيه خاصه للشاعر الكبير مهنا الشمري :







اجل ياصاحبي خل الأرانب تاخذ الاطراء ...!






القصيده:




زمان المهزله خل الأرانب ترقب الجوزاء
اذا ينبت لها ريش وتطير اعطيك جوزائي





مدام ان الهدف واحد تعال نوحد الاسماء
عصافير مناقيره حديد وتنبش اشلأي





حفاة ولا على الحافي عتب لو يشتم الرمضاء
مثل ماتشتم عيون الضلاما لحالك اضوأي





ادور في تفاصيل الوجوه وزحمت الأشياء
لقيت الأشياء ماتعني احد في سلة أشيأي





واذا زاد التعب عادي متوني تعشق الاعباء
انا الي شايلن هم الزمان وشايل اعبأي





انا عودت ركباني تسير وتترك الضوضاء
صغير ولاقدر حتى زمان الغي اغرأي





مدام الباخره تبحر ولاتدري عن الميناء
توكل واتركه تبحر اكيد الوجه مينأي





ثلاث عقود من عمري مضت والعاصفه هوجاء
ثلاث عقود ورياح الزمان تعاند اهـوأي





نشف غيم العيون الي اصلي لجله استسقاء
كئن الدمع خيال نبيل استوطن احشأي





من اول ماتعلمت القرأه اكره الأنشاء
من اول ماتعلمت الكتابه تخطي املأي





انا لوجيت اوصفني كفيفن يبصر الأشياء
وانا لوجيت ابا انصفني حكيم تنبذ ارائي





تخيل كنني جالس واحفن في كفوفي ماء
قبل لاتاصل كفوفي لفمي ينسكب مأي





تلوميني وانا ماني لبيد ولانتي الخنساء
تلوميني وانا قبلك الوم عيون خنسأي





اذا ماخطوتي تمشي من العلياء للعلياء
ابكسر ساقي وابقا وحيد بوسط عليأي





اجل ياصاحبي خل الأرانب تاخذ الاطراء
انا مرضا انال اطراء كاذب لجل ارضأي









للشاعر الكبير مهنا الشمري

اذا ماخطوتي تمشي من العلياء للعلياء
ابكسر ساقي وابقا وحيد بوسط عليأي



يعطيييييك العاااافيهـ

وتسسسلم يديك


ودي ~

لاهنتي اختي رهف بارك الله فيك

صح لسان الشاعر الشمري
وتسلم يمينك والله على النقل الرائــع والراقي


الله يحفظك

الله يسلمك اختي شموخ بارك الله فيك