عرض للطباعة
السلام عليكم والرحمه
مساء الخيرات
ابي شوركم يالزقرت و الزقرتات
عندي تلفزيون
sony tv stand
su-er43
شاشته بدت تسود بتدريج الا ماعاد فيه الا صوت فقط
كنه بنت عانس يضيق صدري كلما شفته ومابيدي حيله :wallah_hoo:
كلمت الوكاله قالوا بيكلف 3000 الاف وفوق
وكلمت مهندس حضرمي قال ارميه ماله طب واذا مضيق عليك اجي اشيله بــ 200 ريال
وهاذي فرته:)
وطاولته
ابي رايكم
حياك ام محمد
الاسبوع الماضي نزلت هايبر بنده عرض مغري جدا
شاشة بلازما
ماركة kmc
42بوصة
بـ (1599)
مع ان قيمتها بالجملة ماتنزل عن 1900
اقترح عليك تترقبين العروض في الفترة هذه
لان كاس العالم يدفع الشركات لتنزيل عروض كبيرة
واذا حصلت خبرينا نشتري معك
اما هذه اللي عندك
ما اظن بها طب -- اقرب حراج
دمت بخير
ابو فارس هالتلفزيون الي تشوف بــ 7800 ريال
سوني اصلي مو تجميع
تدري كلمت الجمعيه الخيريه قالوا ماناخذ تلفزيونات :a:
تم يابو فارس
خلاص الوعد هالخميس ابروح اجيب لي واحد :)
اي خميس الله يرحم امِ جابتك
اقول لك عرض عرض وانتهى
اعلنوا عنه بالجريدة خلال ثلاث ايام
وانتهى في 4\6
انت شكلك من تقاعدت ماعاد تقرأين جرايد
من بكرى قولي لموزع الجرايد اللي يلف الحارات بسيكله يقط لك نسخة
وعطينا خبر
دمت بخير
انت جني يا ابو فارس... اعترف ؟؟
اليوم اول يوم لنا في اشتراك الجريده
اما التقاعد خربط برنامجي اليومي صرت مشغوله اكثر
راح اعطيك خبر باذن الله
ماهي مسالة اعمال كثيرة
هي مسالة ترتيب وقت
لما كنت بالعمل كان وقتك قليل
فكنت تحرصين على ترتيب اولوياتك
الان لديك فراغ فاصبح عندك فرصة لتأخير بعض اعمالك
لذلك تراكمت عليك الاعمال وازدحمت
----------------
الوقت من ذهب لازوردي
انتبهي
دمت بخير
أم حمادة ماعليك من أبو فارس :)
شوفي ياعسل أنا من فترة مريت على اكسترا وكان عندهم عرض على شاشة سوني أو سامسونج نسيت بس سبب العرض إنها آخر قطعة
وكان سعرها حلو مرة
عشان كذا دوري في هالمحلات لأنهم يسوون مثل هالعروض (( آخر حبة للي تحبه :) ))
وأنصحك بـ (( بيست )) لأنه الحين صاير مكتسح السوق وفاتح فروع كثيرة من بعد مااستلمه رجل الأعمال الاماراتي الفطيم :) <<< وش رايتس بمعلوماتي بس :)
لاتستعجلين وإذا ناوية ترخين يدك في السعر فأنا أنصحك بسامسونج ال اي دي أو ال سي دي المجموعة السابعة أو الثامنة لأن المجموعات الجديدة صار فيها تعديلات كبيرة وحلوة خلتها تتميز عن شاشات البلازما
وبالتوفيق يالغلا
انا فصلت من هنا والشغاله طارت من هنا :za3lan:
وعندي ضيوف لهم سته اشهر في البيت
وامور استجدت كثيررررررر
اذا عندك سلف وقت لاتبخل علي:)
هلا بالجازي يالله تحييها
تسلمين على المعلومات
وش رايك نتخاوى نفر فرفره بين هالمحلات :)
والله فكرة مش بطالة :)
بس لازم نستفتح الجولة بمقهى ونختمها بمقهى <<<< وش بقى من الوقت :)
أم حماده من جد
حددي مواصفاتك اللي تبينها بالجهاز وأبشري بسعدتس