ان عشت بلقى لقمة(ن) تنطح الجـوع=وان مت بلقى لي مـن الخـام قطعـه
بفنـد المطلـوب موضـوع موضـوع=واكتب مكاتيبـي علـى ضـي شمعـه
وشخص(ن) يجامل لا يجيني ومقـروع=والناقـد الصـادق يجينـي بجمـعـه
وان قالوا النجـار لـه بـاب مخلـوع=شعري صناعـة فكـر متقـن لصنعـه
وارجو الهدو منكم ولو كنتوا اجمـوع=بسـم الله المشـوار يـبـدا بطلـعـه
يقرع كما الشنه واظنـه لـه اسبـوع=لا راحـت الضيقـه ولا هـل دمـعـه
الخافق اللي بيـن الاضـلاع مـزروع=الوقـت يزهـى ويتفـاخـر بقمـعـه
والحظ يفـرح لا تراكـا علـى الكـوع=ولاّ الروابـع فـوق والنفـس جشعـه
للطيب والناموس . والـراس مرفـوع=ويا الله عسى لي مع هل الطيب بضعه
والطيب متبوع(ن) ولا هـوب مجبـوع=والخاسـر اللـي مـا توفـق لجمعـه
وما ينقصر يا كـود هافـي ومنـزوع=اكبـر همومـه زيـن نومـه وشبعـه
ولاّ الشلـي شيكـه مجيّـر ومدفـوع=راضع (ا)من اثّدا المرجله كـم رضعـه
والله خلق خلق(ن) على اصناف وطبوع=ولا نيب مارد يسكـن بجـوف قمعـه
ان عشت بلقى لقمة(ن) تنطح الجـوع=وان مت بلقى لي مـن الخـام قطعـه
والصاحب اللي بشت صحبته مشلـوع=لا بـوه لابـو مـن توافـق وطبعـه
والضرس لا من صار يرقل وموجـوع=اخير من صبر(ن) على الضيـم قلعـه
والصحبه اللي كل يوم(ن) لهـا نـوع=الرابـح اللـي مـا تنوشـه برمـعـه
لا صار ما تبنى على سـاس مشـروع=ومزارق(ن) بالطيـب والطيـب رفعـه
هذا يسـوق الحـال والمـال مشفـوع=وينـزّل الصاحـب بمـنـزال ربـعـه
للتضحيـه ينبـوع . للجـود ينبـوع=ويبشر بفزعاتـه مـن احتـاج نفعـه
وهذا الوفا لاجـي بنفسـه ومطبـوع=صميدعـي طحطـوح والعـز شرعـه
بصوت النقا يصهل ويجهر ومسمـوع=ولا سد عن صوت المواجيـب سمعـه
طرد الـردى عنـده محـرم وممنـوع=ولا يستمع لهروج من شـان وضعـه
والصحبه اللي جدرهـا كلـه صـدوع=حبـل(ن) يوصلهـا حـلالاه قطـعـه
ومـا دام يفنـى كـل تابـع ومتبـوع=والخاتمـه لـو طـوّل العمـر هجعـه
والورث ما بيـن الاصاحيـب مقطـوع=مـا للرفيـق الاّ كـرامـه وفـزعـه
الشاعر المبدع والمميز عبدالله الفهري القحطاني
