يالقافيه..أهداء للشيخ عبدالعزيز برع الطلاع صوتيه
بسم الله الرحمن الرحيم
السلام عليكم ورحمة الله وبركاته
تحيه أطيب من ريح الخزامى والنفل لكل أسرة مضايف شمر من أخوان وأخوات
تقبلوا أعتذاري بعد غياب طويل عنكم وذلك لأنشغالي بأحلا شهر عسل والفال للجميع
أهديكم هذه القصيده لشاعرنا وأخوي فهد الطلاع في عمنا وأبونا الشيخ
عبدالعزيز برع الطلاع ونرجوا أن تنال على رضاه ورضاكم
http://www.alzqarit.com/up//view.php?file=33f0e5fabc
يالقافيـه ياللـي بديتـي علـى آش
....................................لاتوقفـي دام النهايـه علـى إِيْـشْ
إن قلتها بالتركـي يـاواش يـاواش
.............................مقصد كلامي أعْنِيْه بشويش بشويش
فيضي وخلّي هالبحـر مالـه قيـاش
...............................وخلّي الغشيم يموت مايوصل القيـش
اللي جمعني والحزن ليـت مطـراش
...................................مطراش يقفـي ويخلفنّـه مطاريـش
والضيقه اللي إستوطنت داخل الجاش
...................................ماكنّه إلا الحرب مع زحمـة الجيـش
جرحي بلغ ماضمّـده لفّـة الشـاش
................................والشوق مايروي كبودٍ(ن) معاطيـش
مابين صاحي وبين مجنون منحـاش
.......................................ودّي أعبّـر بالقلـم لـو خرابـيـش
سَحْب الفشق من بعد الإطلاق نتّـاش
..................................وآنا سحبت حروف قلبـي تناتيـش
ياللي تحسب المرجله قطعـة قمـاش
..............................كويةْ شماغ ولبسْ بِيض الدشاديـش
ماكل من شاف المراقيـب لـه نـاش
................................ولا كل من شالوا جناهـم هواويـش
ولا كل رجل(ن)يِفزع القلب لا هـاش
............................حتى الرخمه وقت الزعل تنفش الريش
ودّي بمدح اللي على الحـق بطّـاش
...............................بطش السّيوف الصارمه والمباطيـش
ماني مزيّف فـي كلامـي وغشّـاش
...................................له الغلا وضلوع صـدري مفاريـش
شيخ(ن) يمينه تسبق الخير لا شـاش
...................................والله عطاه رجـال ماتعـرف الليـش
يعطي العطايا بغيـر منّـه وببـلاش
............................ماهو بشيخٍ(ن)عاش ذر البخاشيش!!
عبد العزيـز البـرع ياذيـب نهّـاش
..............................نهّشت في تاريـخ الأمجـاد تنهيـــش
آنا أشهد إنك تشري الطيب بالكـاش
.............................وبعت الردى لشيوخ أصله هواميش!!
راعي الشعلاء معروف لو الزمن لاش
..............................يموت جيل وجيل من بعـده يعيـش
ذكراك في سطر الزمن وسم رشّـاش
..............................لو ماقتل يبقـى الوسـم بالولاليـش
ويالقافيه ياللـي مدحتـي علـى آش
...............................لاتوقفـي دام النهايـه علـى إيـش
