تفاعل حسي المجنون مع نار الهوى والشوق
ورديته عن جنونه وعيا لايطاوعني
تناثر هالورق مني وشالته الرياح لفوق
أكيد الغيم يهمس له وهمساته تداعبني
تمايل قطره الحاني يبلل مهجتي والموق
سقاني لأقصى مافيني وقصده بس يبهجني
بلحظتها لقيت الحب فعيون الهوى والذوق
وعازف يعزف الحانه على أوتاره وتطربني
سمعته والنغم يجري بمجرى الدم وسط عروق
سحاب شاقني برقه وحظي فيه عاكسني
وصوت الريح يزعجني يحرك غيمته برفوق
أحس البرد بأغصاني وأحس الهم متعبني
يعاتب صمتي التفكير واحساسي بعد مخنوق
ياليت القلب مايعشق وهو بالعشق لايمني
تغيب بلحظة النسيان وترجع بالفكر ملحوق
تطاردني طيوف الهم.. سراب الوقت شاغلني
يخايلني سحاب الشوق قديم في الهوى مخلوق
وأقول التوبة ياقلبي ولكن من يطاوعني
