لا يامعلم ماهي ضربة معلم..!
صبحكم / مساكم الله بالخير جميعا ..
ياليتنا قبل الكــلام انتعــلّم
القصيده :
لا يامعلم ماهي ضربة معلم
دامك تراعي الحق وتجرح رعاياه
كل البشر تخطي وتنسى وتحلّم
والعاقل اللي يعتذر عن خطاياه
من صار لأعراض النفوس امتولّـم
تكره سوالفه البشر واتحاشاه
الناس طلابة حقوق وتظلّم
ومن ضاع حقه ياخذه لو بيمناه
والليل لو مهما تمادى وظـلّـم
لابد مايكشف نهاره خفاياه
لولا الندم مافيه سخص تـألّـم
ولولا الظليمه ماعرفنا المعاناه
ياليتنا قبل الكــلام انتعــلّم
إنا نفكـر فيه قـبل أنتهـجـاه
وياليتنا إذا نوينا انتـكلّـم
نبخّر الأسماع من عود الأفواه
وياليتنا نســـلم قبل لا نــسـلّم
على اللي يساوي الهرج وينسى المساواه
الشاعر : فالح غشام - اسم القصيده ( ضربة معلم )
