متواضعه تطمع بـ رضا وقبول رقي ذائقتكم..!
يامل قلبً طاري الهوجاس عذبّه
........... طيبة مغاتيره توارت عن مجاهيمه
ياويّ ياليل المفارق والغلا تبّه
.......... تبت يدين اللي عصى باطهر تعاليمه
طاحت مواري صاحبً لو بالخفا سبّه
........... طاحت من مزون الوفا هتانه وديمه
ياللي تقول ان العطى مايقدر يجبّه
............ فنجال عفنً ماقوى شرهة معازيمه
ماجاز لي قولك وعلمً ماصدق كبّه
............... كبة غنيً ماحسب لانعامه القيمه
حرفين ماتسلب من اردى هالزمن لبّه
............ شف تاءه المسكين ماعين دفا ميمه
شح الزلال اللي [ طنا ] .. ماكمل الصبّه
............... والقاع ضميانه تحرى بلة الغيمه
ماراح من ليل التقى مافادني طبّه
................. ضيعتها مابين تكبيره وتسليمه
شفها عناقيد الغلا ماترحم عنبّه
............ مالت حزن يوم الجفا غنت ترانيمه
اقصى معاليق الهوى لرضاه مشربّه
............ لامن طلب يصبح امر ويتم تعميمه
احلف ولا منه سمع حلفاني بربّه
............. كذّب كتابً ماقوى في يوم تعليمه
لاحل بي طاري توجّد عرقً ونبّه
....... رمشً حضن طيفً عجز في يوم تكليمه
شاعر من ابداعه غدت قيفانه لعبّه
......... موهوب في شعرً بدع اجمل تصاميمه
ليله حطبني والجفا باقصى الحشا شبّه
............ اسهر ولو نامت عيونً ماهي بنيمه
يملا دلو خافق غرامي واملي قربّه
.............. دلوه طعون وقربتي مليانةً شيمه
غصن الوجع لامن دله جرح البطى هبّه
.............. هبت تباريحً دعا نسناسها ضيمه
صرحً بنيته ما كسر مفتاحه الضبّه
............ ومن البطا متهالكً ياصعب ترميمه
حبر الضما لاخان سيل الحرف اكتبّه
............. بوحً عجز لاياصله ابسط مفاهيمه
جوع الفراق اللي ذبح اشواق منكبّه
.............. ماتنفع الميت عقب ماراح تلقيمه
يمنى السهر ماطاوعت شلفاي واضربّه
.............. صبحً ذبح عشاق ليلً هم مناديمه
بين المحاني حرةً للحين مشتبّه
......... تاهت ملامح ضيعتي بااعذب تقاسيمه
اللي سأل انثى عن بحورً لها غبّه
............. سينه يدور ابجديه تحتضن جيمه
اواه ياحرفً تعب بلسان ماذبّه
........... عيت شفايف هالطغى تعلن مقاديمه
اواه ياصدرً وله من زود ماحبّه
...... عندي تساوت [ شمغهم ] لو زان ترسيمه
يقسم محلً بالحشا ذكراه لو طبّه
.............. يلقى وفا رجال ماخلا ملازيمه
املى شليلك من جفا رمل الثرى/عبّه
........ دف الجفا بتراب زيفً صعب تذميمه
ولامن تهايق لك حنينً ظاهرً خبّه
.......... لايسمعه بوحً تعب من زود تكميمه
لو شوقك المذنب يكبر يومً لربّه
.......... عيا شموخً مارضى في يوم تاميمه
اتلى صميل اليعربي دهنً خلط رُبّه
......... عزاه من عقب الرخا طلبة مغاريمه
ولو ييأس الوقت الردي ويطاول القبّه
...........ظفر [ الرجا ] لاتبرده لو تم تقليمه
الـشـمـريـه .. / .. لــطــيــفــه ..!
