[ صعبه ] ;; ... ( . بدر الضبعان ..!!

مساء المطر يليق بأحباب الشعر لكل من أهداني التواجد في متصفحي

الغياب طويل ، والذكرى تدوم ، والمحبه باقيه


.
.
.
.
.
.

حان السفر ؟!!
تبي تروح ؟! وإلا تودعني وتمر ؟!!
وإلا الزمن يكتب على وجه الفرح ( رحلة عمر ؟!! )

يوم الألم يكسر من أوجاعه أمل !
يوم الوصل .. جهّز على دربك قبر !

واليوم في يوم السفر
مات الصبر !!

صعبه إذ منك [ هويت انسان ] غاب ولادريت
وصعبه إذا منـّك لقيت أنك [ تعلمت السهر ]
ياضيق هالدنيا على صدري .. وانا توّي بديت
حتى عجزت انطق كلام ٍ في لساني .. من شهر
أقفيت أقلـّب ( ذكرياتي ) مع سؤالك / وأنتهيت
قدام شاعر قال شعره في عيونك ( وأشتـهر )!!
لاتعتذر / وتقول أعيشك حلم .. قل أني غديت
وضيعت كل عمري عشانك بين .. حزني / والقـهر
وشلون تتركني [ لحالي ] وأنت ماعمرك قويت
تترك غلاك اللي / تـنامى / في عروقي وأزدهر
ليتك بقيت ومارحلت ويااااااه ليتك مانويت
تقتل بي أوّل سالفة عشق ٍ بدى بك وأدّهر
ظنك ؟!! من أول مارحلت أني على غيابك خذيت ؟!!
وأنت بغيابك كل ( حاجه ) سيلت شوقي نهر !!
أنت الذي لاغبت [ لاحت صورتك ] في كل بيت
في شعري اللي قـلته بعـينك / وقدمـته مـهر )
تدري حبيبي لو رجعت لخاطري عاني وجيت
أنـحر هـمومي في \ ضحى عيدي / وأعلقها دهر
لو جيت لي ( ساعه ) تشوف شلون برجوعك حييت
قامت لك أشـواقي غراااام وقبـلت ( فم الزهر )
أرجع لي ! وهز الحنين اللي سكنـّي .. وان بكيت
لملم شتاتي في عيونك و أستر اللي ماظهر
ولامن بغيت تغيب [ قلي ] لاتقول أنك نسيت
ودي تشوف / شلون بغيابك \ تعلمت [ السـهر ]





أستودع ذائقتكم الشعريه بخير

إلى لقاء حب يجمعني بكم



بدر الضبعان[/align]

وينك يابدر ؟

من طول الغيبات جاب الغنايم

مالك عذر ... لاتبطي علينا مره ثانيه

دمت بود

الراسي

ظنك ؟!! من أول مارحلت أني على غيابك خذيت ؟!!
وأنت بغيابك كل ( حاجه ) سيلت شوقي نهر !!
أنت الذي لاغبت [ لاحت صورتك ] في كل بيت
في شعري اللي قـلته بعـينك / وقدمـته مـهر )
تدري حبيبي لو رجعت لخاطري عاني وجيت
أنـحر هـمومي في \ ضحى عيدي / وأعلقها دهر

،

شاعرنا الغائب جدا جدا /

بدر الضبعان


لا ندري هل نعتب أم نفرح بهذا المرور ؟؟؟

هي مشاعر مختلطة من هذا و ذاك

و لكن بالتأكيد لا مساومة على هذه الشاعرية الجميلة جدا



لا تحرمنا مزيدك

فنحن في أحوج ما نكون لقراءة الشعر




أختك

الدهور

يالله..


ما كل هذا الابداع و الشعر..


بدر أضاء سماء المضايف بهذه المشعة..!



تمكن و عذوبه و شعر..



صح لسانك يا بدر..



و تقبل اعجابي يا شاعري..



أخووك


هايس