اصعب سؤال

اصعب سؤال؟؟!

( اصعب سؤال ) اللي جوابه للأسف مثله ( سؤال ) !!

...................... ما هو تفلسف !! الا موقف صار واسمع " ثاني بيت" :

البارحه يومه سأل : ( وش ذكرك ذيك الليال ؟ )

.................. كان الجواب بكل بساطه : ( من متى اصلا نسيت ؟ )

ادري بان جمع ( الصعوبه والبساطه ) شي محال !!

.................. لكنها صارت كذا ! واللي (( اهم )) اني دريت :

ان الحياه فبعد احبابك اذا جف الوصال

................. اتعيشها لو تقتنع انك خلااص اصبحت ( ميت !!)

يا صاحبي لو كل شي يمر بالخاطر يقال

................. ما كانت العبره تــــولجني اليامنك طريت ؟!

شفني قدرت احبس دموعي بس ( دمع القاف ) سال

...................... ويا كبرها ساكت ولكن داخل اوراقي بكيت !!

عمر الحكي ما كان دافي لاابتدى بقولة تعال

.................... لجل اتجاهل رجفة حروفي اليامني حكيت ..

الحال في بعدك قسم بالله ما اسميه حال

............... انوي على الضحكه واحس كلي خطا لاني نويت ؟!

اتصور انك من رحلت اشوفك لجسمي ظلال

.................... لا شفته امشي ببتعد واثره معي مهما مشيت !!

مدام يعني في بحرك لفرحتي مليون جال

............... وش فيه موجك ما ركد ؟ قربت اموووت وما رسيت ..

يرضيك ما عادت معي تفرق اذا جالك مجال

.................. لاني اقتنعت انك نهايه واني ببطي ما بديت !!

صرت ( اعقد حجاجي ) اذا جابوك باطراف الجدال

...................... وانا قبل لاقالوا اسمك كني : ميت ثم حييت ..

تعبت اعيش الدور وافتح للمعاذير الخيال

................... واتخيل اني جيت في بالك وبانك استحيت ..

وتردلي كلك (( وله )) وتقول : ( كن البعد طال ؟ )

............... ومن الفرح ما عاتبك واقول : ( ياخي مابغيت ! )

حتى وانا تخيل حشمتك ! لن قلبي لا يزال

................. يكرر اسمك داخل اعماقي بنبضه لا سهيت ..

قلي شسوي فيك ؟ وانت بداخلي اصدق مثال

............... للحب واحساس القصيد ان عانق الليل وسريت ..

ربي يصبرني على الفرقا مدام الحظ مال

............... وانت بيجيلك يوم تعرف ليه في بعدك شكيت ..

واذا بلاك الله وعذبك اشتياقك (( بس تعال ))

.............. واقرى القصايد في غيابك ***وها بيـــت ... بيـــت ..

بتدرى ان ( اصعب سؤال ) اللي يجي رده ( سؤال )

................ لا قلتلي ( وش ذكرك ؟ ) ثم قلتلك ( متى نسيت ؟ )


للشاعر:محمد جار الله السهلي
http://www14.0zz0.com/thumbs/2010/03.../770521178.jpg

صح لسان الشاعر محمد جارالله

شاعر جزل


ولاهنتي ام الرغفان على النقل الرائع


لك كل الود

قصيدة رائعه

تجدد في كل مرة نعيد قرأتها..


يعطيك العافية يا ام الرغفان


وصح لسان محمد جار الله
,

بصراحة على جزالتها وغريب سبكها
لكنها تأتي كانها لوحة مرسومة بايدي فنان



صح لسان شاعرها
وشكرا لك ام الرغفان


اختيار راقي جدا
دمت بخير

بيت أجمل من بيت... الصراحه عجزت لاأختار

رائعة يالغالية

وصح لسان الشاعر السهلي



لاهنتي ياجدي

انا منذ مشاهدتي العنوان

علمت أنه واجب علي التواجد هنا



.
.
.



نقلتها هنا منذ سنوات

وبالتحديد قبل نشرها في الاعلام تقريباً


وهي القصيدة التي قادت محمد جار الله إلى النجومية

الكل إتفق على جمالها




ام الرغفان

هكذا قصائد تستحق النقل وإلا فلا

شكراً لكـ أختي



دومي بود

أم الرغفان !!

التميز سمة في تواجدك أينما كنتي


يعطيك العافية على النقل الرائع
تسلمين وتسلم أياديك

وصح لسانك،،،

سلطان السويري



نورت الصفحه اسعدني مرورك

عزيزتي فوز


الله يعافيك ومشكووره ع مرورك

الشكر لك ابو فارس ع مرورك الرائع



نورت الصفحه