بدواننا و العولمة

مساكم الله بالخير يالربع ويالمربعات ( الشهبا ) أيه أقصدك أنتي
مهو تلفتين
تدورين وراك

يالربع تخبرون بدواننا أول ما يطلع أختراع جديد أو شي جديد عليهم

ألا يجيبون العيد و الكريسمس و حتى اليوم الوطني لبنغلادش
أبد ما يمدي تطلع حاجة جديدة ألا و صاير بسبته ضحايا
و حوادث و اصابات

مثل الطعس ألي راح لمصر و مات مخنوق


تدرون ليش ؟؟؟



جا يبي يربط الكرفته



هذي نكتة مهي صحيح

هلحين نبي ندخل بالجد

هذا يقولك من هالزمان الفايت مما يقارب 40 سنة أخوان بدوان
أشتروا جمس جديد و بس عارضينه قدام بيت الشعر ويراعون لوه

الظاهر أنهم صكوه عين

الوكاد بس يسيرون عليهم الربع و بس يمديحون الجمس عندهم
لدرجة أنهم واحد ينام بالغمارة و الأخر ينام بالحوض
مغلينه و دشروا حلالهم و عيالهم
و ما غير يقصدون و يتغنون بجمسهم


و نوبة من النوبات قالوا نبي نطرش للديرة و أقرب ديرة لهم رفحاء
و هم يجهمون الصبح
و أنا أشك بأن السواق مواصل من الفرحة علشان يسوق

المهم مشوا ( هنا بدات الكارثة )

و هم يمشون على هونهم مدارين على الجمس
ليما وصلوا لشعيب خطه سهل
جا صديق السوء وقال لأخوه السواق
و بدا يوسوس لوه

فلان ليه ما تسرع شوين خلنا نشوف شوقع ندحه ( يقصد الجمس )
الوكاد أسرع السواق شوين و كل ماله يسرع ليما الظاهر أنه عجبه الوضع
و خش جو السواق و لا ( يزيد الراجحي )
و هو يطير عن القاع و هو يراعي أخوه يمار وراهم عجتن له عمد
و هو يقوم يصيح لأخوه فلان صد وراك راع لعجتنا مانا كبره
طبعا السواق ما كان يعترف بالمراية الاماميةو لا حتى الجانبية
قام يتهايق ويصاوغ رقبته غديه يشوف العجة ( و الله من الدجة )
السواق عجبه المنظر بس ناقصه أكلوقت جوال بكاميرا
يوقف أخوه على طرف الشعيب و يقوم يصوره

الوكاد و هم منسجمين مع العجاج وراهم و الشباب نسوا الخط و ما قاموا
يراعون قدامهم

وشوي و هو ينحرف الخط يسار
و أبو الشباب ( يزيد الراجحي ) طلع بوجهه طوالي
يمار ناطحه عقم و هو يقوم يتقلب بالهوا و ما طب الجمس ألا على الغمارة
و أنصفر السواق و أخوه
و يقولون ألي أنقذوهم أنهم لقوا هم منصفرين و صادين ورا
لهلحين يراعون لعجاجتهم
بس أشوا الله فكهم و سلمواما جاهم شي


هذي سالفة من السوالف


و أن شاء الله الباقي بعدين

^
^

أباشر لك على حسابي برمش .. بس تنازلي عن الرد الأول لي




فهد

يا الغالي بلشان بالبليارد .. خلن أفوز و أتفرغ لموضوعك

هههههههههههههههههه منصفرين وارقابهم ورا




يمار ناطحه عقم<<ووشلوون يعني مافهمته صدق

والله عرضك مغري ... مار اسمحلي الحجز عند فهد يسوى اكثر >>>العن ابو التميلح








نرجع لموضوع ابا الفلاق >اللهم لا شماته ...







اشوى انك علمتن وانا قمت اتلفت قفاي زي راعين الجمس هههههه





اوما هالسالوفه ما صارت




هههههههههههههههههههههههههههههههههه الله يقلعهم







مار يراعون للعجاجه هههههههه



وشيب عيني بس







ايه اكرب يدك و شد حيلك من شان يعطونك وسام وتسثر لنا من هالسويلفات يالطيب ...








تهياتي

يمار ناطحه عقم<<ووشلوون يعني مافهمته صدق







ام الرغفان يعني ناطحهم عقم و العقم هذا حيوان بري زي وحيد القرن و هذا على ذمة فهد و ابراي لله

فهـد..


سلمت و دمت..



و لا هنت على هالسالفه

اقتباس:

---

هذي سالفة من السوالف

---

اذا كملت السوالف علمن .. من شان أجي و ارد مرة وحده << و الله من الكسل عندك يا الخال







اويلي يا فهد


الربع اللي تحتسي عنهم .. اكاليوم جابوا طاريهم بالخيمة اللي ورى محطة عبيد


بس لا تنسى تجيب من علوووم راعي الطمشا:)

بعدي يافهد

سالفة ما احلى منها


بس تكفى شفهم لي
كان يبيعون الجمس سكراب تراني شراي

وبخليك وكيل لي تشتري الجمس وترسله لي



لاهنت

أضحكتنا أخوي فهد على هالسالفة
الله يسعدك


وأما السواق اللي مواصل من شان السواقه؟
هذي تكفي عن سالفة


لاني تذكرت أخوي أول ماشرى سيارة ماينام الليل ولاياكل ولايشرب
أجل شلون الاولين تلقى كل اللي بالحارة كل يوم قدام بيتهم
يناظرون لجمسهم


الله يذكر أيام زمان بخير ....أيام الوناسة وكل شئ له طعم
مهو هالوقت كثرت الملذات وقلّــت الوناسة وراحة البال

الله المستعان








لك كل الاحتراام

ياحياة الشقآ يافهد :)


فهد منور الفلة يالغالي





والسواق اللي راح لرفحاء مواصل تعرف رقمه ابيه بموضوع خاص :)





لاهنت يافهد والله يقويك