-
أشوف الناس تضحك !!
*
*
أنا اللي للأسف عايش على هامش حياة الناس
حيـاة ما لهـا قيمـة و أنـا مجبور اجاريها
أنا من عاش بالدنيا طموحه رابطه بالياس
ولو بيدي حلول لحالتي ما احتلت اسوّيها
أنا كتله من الهم ومن الحزن ومن الهوجاس
مشاعر شاعر ما تعترف بشعور راعيها
أنا حس فقد حسه ومعنى الحس والاحساس
معاني ما لها معنى وتبحث عن معانيها
أنا قصر بلا ناس وبلا باب وبلا حراس
أنا اغنية(ن) يتيمة ما لقيت أحد يغنيها
أنا مثل العصا اللي راسها يركب عليه الفاس
خذ الفاس وجب الفاس وعصاها وين طاريها
أنا اللي لا رحلت ولا لقيت بديرتي مجلاس
أنا اللي لا حكيت وقصتي ملزوم أبحكيها
اشوف الناس تضحك وابتسم واضحك وأنا منحاس
واشوف الناس تحكي بي واصدد تقل ما اوحيها
وجع جرح الزمن لو هو هوين يذبح الحساس
وانا لو شفتني حي الحقيقة عنك مخفيها
للشاعر / زياد بن حجاب بن نحيت
-
اشوف الناس تضحك وابتسم واضحك وأنا منحاس
واشوف الناس تحكي بي واصدد تقل ما اوحيها
وجع جرح الزمن لو هو هوين يذبح الحساس
وانا لو شفتني حي الحقيقة عنك مخفيها
صح لسان زيااد
وتسلم يمينك مشرفتنا لاهنتي
-
تسلمين يالغالية على المرور أختي ام الرغفان
نورتي الصفحة
وصح بدنك
لكِ الحب والتقدير
-
الله عليك ياشموخ
أختيار موفق
صح لسان الشاعر زياد
-
اختيار رائع ونقل جميل
شموخ شمالية..
صح لسانك وسلمت أياديك
ولاهنتي على هذا النقل
كل احتراماتي لك,,,
-
صح لسان الشاعر حجاب بن نحيت
ولاهنتي اختي شموخ على النقل الرائع
-
تسمين غاليتي شموخ
اختيار رااائع
وذااائقه الرررروع
-
هلابك أخوي العمدهـ
وتسلم والله على المرور الطيب
لاعدمت تواجدك
ولك أحتراامي والتقدير
-
شموخ شماليه
انتقاء جميل
شكرا لك
-
صح بدنك أخوي صلفيق
ولاهنت على المرور الطيب
لك احتراامي
