عجزت امرايته فيه تشبه ..(( الكرز - فهد عافت ))..
الكـرز
الكرز واحد وعـشرين حبّه ...... رفرف الغصـن وأورق عندليبه
أفتحـوا للشبـابيك المحـبّه ..... وأصـدحوا بالهلاهيـل الرطيبه
غافـل الشمع في عيده تنبـّه ..... راح يأخـذ من الظلمـا نصيبه
طفل من عادته يكسر ألعبـّه ...... وشعليه إن كسر خاطـر حبيبه
سنــةٍ من سننه المستحبـّه ..... يتـرك قلوب عشـاقه عطيبه
ضاع من قـال أنا ضايع بحبّه ..... والله ان الدلالـه ضيـعتني بـه
قبلة الله عليه وشلـون ربـّه ..... خـالق مبيسمه يـوم يحكي به
لــو مكنتـه تغافلته بحبـّه ...... بس هـو شـايفٍ فالأمر ريبه
ماأحسن الظن في ريـحٍ تهبـّه ...... يحسـن الظـن في مثلي مصيبه
المسبه به .. الطـرف المسبـّه ..... ماسـوى طـرفه الساهي يعيبه
عجـزت مـرايته فيه تشبـّه ..... حـاولت فيه ماقـدرت تجيبـه
بعد هـذا وش اللي ينكتب بّه..... قبل هذا وش اللي ينقـري بـه
منبع النهـر والنهـر ومصبـّه ...... مشـرق النور والنور ومغيبـه
ان بغى يسـلب الرمـان لبـّه ..... وان بغى صابت النعنـاع خيبه
وان حلى اللعب والميدان طبـّه ..... مـالك الا تقـول الله حسيبه
والله ان القلــوب المستتبـّه ...... تصطفـق تقـل ناهبها نهيبـه
ياهـل العـرف ماقبله يجبـّه...... كيف أجل بالحشى مركي صليبه
الكـرز واحد ومليون أحبـّه ....... مـن هينا لين سكـره وحليبه
فهدعافت
