مهر كنه بنت بن رمال من الفارس عياد العنزي

فيه رجل يقاله عياد من قبيله عنزه

وهو كريم وفارس الفخذ اللي هو منهم ويعتبر كبير ربعه ويرجعون له بالكبيره والصغيره و بالمشوره هو رجل مجرب كل امور زمانهم وهو خاض كم معركه وكم من الغزوات وهو رجل شجاع مايعرف شي اسمه الخوف

فيه حوالي اربع او خمس بيوت من الرمال من شمر جاورو العنوز جايين من ديار شمر حتى حلو على جماعه الفارس عياد ومعهم ابو كنه ومتعاشقه هي وعبدالله بن جحفل ويوم هم عند الرمال خطبه عبدالله بن جحفل كم مره ورفض والدها ان يزوجه له

يقولون يامن جاء الليل يشب عياد للتعلله ويجتمعون عنده رجال عربه وخذ وهات من هالسوالف وعياد حاطينن له فداويته اثنين مركا والثالث عند ظهره وكل سوالفهم يوم يذبحه عياد ويوم يطرده عياد والمعركه الفلانيه

وقال واحدن من العنوز ياطويل العمر يالشيخ عياد والله يابنت عند جيراننا الشمامره انه ياطويل العمر تزها زوجه لك عاقل ومزيونه وشاعره قال الشيخ عياد ايه والله اني ابي اخطبها

راح الشيخ عياد يخطبها قال ابو كنه انا ماعندي مانع بس الشور لكنه نشدو كنه قالت انت ونعم بك بس فيه ولدن شمري يعيي اني اتزوجك قال عياد منهو هذا الولد قالت وش تبي به قال ابذبحه وابي اجيبلك راسه

قالت اذا جبت راسه تراني اتزوجك ومهري هو راسه(تروه عبدالله بن جحفل الرمالي) يقول يوم جاء الليل قال عياد ترونا غزو ونشدوه وش عندك ياطويل العمر قالهم ابي اجيب مهر كنه قالو له الرجال ياطويل العمر هذا الحلال قال يالربع المهر ماهو حلال راس عبدالله بن جحفل

وهو يغزي ويوم تلاقو الرمال والعنوز قال الشيخ عياد بصوتن عالي عبدالله بن جحفل ياهل الخيل يقول وهو يطلع له عبدالله وهو يضربه بالرمح يفاجن ابهره وهو يطح من الفرس وعبدالله يحول عليه يبي يكمل عليه قال عياد انا بوجه كنه قال له عبدالله وشي كنه قال عياد كنه الرماليه معشوقتك اللي خلتني اغزي حسبي الله عليها

قال عبدالله انا عفيت عنك بشرط فرسك تربطه عند ابو كنه قال عياد تم تم تم ورجعو عياد وربعه ويوم جو لهلهم راح عياد وربط الفرس عند ابو كنه يوم جاء الليل وتجمعو الناس وابو كنه سير قال ياشيخ عياد وليه ربطت فرس عندنا قال عياد هذي ارسلها لك عبدالله بن جحفل يوم شرط علي وهو حاطن رمحه بحنوكي وانا وعدته اني اربطه عندك

لكن ياشمري انا طالبك كنه قال ياعياد تراه جتك عطيه مامن وراها جزيه قال عياد تراها ماهي لي لعبدالله بن جحفل قال ابو كنه تم تم

وهذا وفا الرجال اللي ماعندهم شك في انفسهم

موضوع رائع

يحمل في ثناياه الصدق

والوفاء بالوعد ... كما هو صدق العشق والعفاف فيه

رحم الله اموات المسلمين

شكرا لك يابطل

الراسي

شكرا لخوي بشير اللويشي على مرورك المشرف
ولك مني اجمل تحيه

وهو يغزي ويوم تلاقو الرمال والعنوز قال الشيخ عياد بصوتن عالي عبدالله بن جحفل ياهل الخيل يقول وهو يطلع له عبدالله وهو يضربه بالرمح يفاجن ابهره وهو يطح من الفرس وعبدالله يحول عليه يبي يكمل عليه قال عياد انا بوجه كنه قال له عبدالله وشي كنه قال عياد كنه الرماليه معشوقتك اللي خلتني اغزي حسبي الله عليها

الله يعطيك العافية على هالقصة
وكانت المرؤة ملازمة لهم ومكارم الاخلاق صفاتهم
في ذلك الجيل وان شاء الله ستبقى في أحفادهم

.

اقتباس:

---

المشاركة الأصلية كتبت بواسطة نايف الصنيدح

الله يعطيك العافية على هالقصة
وكانت المرؤة ملازمة لهم ومكارم الاخلاق صفاتهم
في ذلك الجيل وان شاء الله ستبقى في أحفادهم

.

---

مرورك منور نايف

قصة تطرب لها الآذان يابو منيف



لا تحرمنا من هالقصص الملحمية




تشكرات مليون




----------------
أبو فهد الهمزاني

اقتباس:

---

المشاركة الأصلية كتبت بواسطة أبو فهد

قصة تطرب لها الآذان يابو منيف



لا تحرمنا من هالقصص الملحمية




تشكرات مليون




----------------
أبو فهد الهمزاني

---

هلا ابوفهد وابشر

شكرا ً لمرورك

وهو يطح من الفرس وعبدالله يحول عليه يبي يكمل عليه

قال عياد انا بوجه كنه قال له عبدالله وشي كنه قال عياد

كنه الرماليه معشوقتك اللي خلتني اغزي حسبي الله عليها

قال عبدالله انا عفيت عنك بشرط فرسك تربطه عند ابو

كنه قال عياد تم تم تم ورجعو عياد وربعه ويوم جو لهلهم

راح عياد وربط الفرس عند ابو كنه يوم جاء الليل

وتجمعو الناس وابو كنه سير قال ياشيخ عياد وليه

ربطت فرس عندنا قال عياد هذي ارسلها لك عبدالله بن

جحفل يوم شرط علي وهو حاطن رمحه بحنوكي وانا وعدته اني اربطه عندك

وقال واحدن من العنوز ياطويل العمر يالشيخ عياد والله يابنت عند جيراننا الشمامره انه ياطويل العمر تزها زوجه لك عاقل ومزيونه وشاعره قال الشيخ عياد ايه والله اني ابي اخطبها