ودها بس ماباليد حيله

ماسمعت بقصه البنت القليله في حياها
.....................والحقير اللي تركها دون دم ولا قتيله


صدقت كل العجايب بالحياه الا نساها
..................كل شي الا يروح ويبتعد ذي مستحيله


اول القصه بدت من يوم هالخاين بداها
..................اقسم انه مايمر اليوم الا البنت ذي له


صار له ماكان يبغاه وقدر يكسب رضاها
................يشتكي من جور الايام وجبرها تشتكيله


حبها م كثر ماهو حبها يتبع خطاها
................حبته من كثر ماهي حبته صارت تجي له


بعدها حط الهموم بدنيته سبه غلاها
...............ملها صارت سبب في ضيقته يبغى بديله


لا بغاها كل صعب يهون هذا لا بغاها
.................والا هو كذاب يعشق غيرها جهال جيله


ابتدت رحله عذاب البنت في سكه عناها
..................ماتسيل الدمع لجله دمها كانت تسيله


ذلها ياما وياما ذلهاسبه وفاهـــــــــــــا
........................توها ماملته بعيونها باقي تشيله


تسأله:(وين اوله والشوق اول مالقاها)؟؟
...............مشكله بعض البنات اليوم حكمتهم قليله


ماتخونه تحسب انه مثلها صاين هواها
.............هي تظن ان الحب قبل الزواج اقرب وسيله


لا .. خطا واكبر خطا واللحين هي شافت خطاها
...................ودها تدمح خطاها بس ..ماباليد حيله


كان يتمنى يفوز بحبها راح ووطاها
.............لو بغت داست على قلبه ولا عاشت ذليله


ايه اجل من تنحني للذل والخوف ورجاها
...................لا بعد اكثر وصل في البنت صار تنحني له


كل شي صار يها صار والسبه غباها
.................ماتركها بالعذاب تهيم لين اشفى غليله


يالاله اللي خلق زمزم ل هاجر من دعاها
...........تستجيب للي دعى لك بالرضى في كل ليله


ربنا قلت بكتابك في سور يونس وطه
.........من شهد لك رب.. فاز ومن عصى.. ياويل ويله


نشهد انك خالق الدنيا بيابسها وماها
.................كل شي سبح بحمدك وقال انك وكيله


ربنا من تشهد انك واحد عجل هداها
.......................دلها للخير ابعد عنها فعل الرذيله


واجعل القران حب وشوق يسري في داها
.....................فايز اللي يترك الدنيا وقرانك خليله


بصراحه اعجبتني وحبيت انقلها لكم

اسفه لاني طولت عليكم
بس شسوي هذي هي القصيده:D


اختكم: نوف

تسلم يمناك اخت نووووف .
وماقصرتي.

بس القصيده بأسم منو لو سمحتي .
تحياتي

مشكور اخوي على مرورك بالقصيده

بصراحه هي من زمان عندي
ولا اعرف اللي كاتبها


بس اذا عرفت ماراح ابخل
واعلمك انشاء الله

مره ثانيه شكرا لمرورك
اختك نوف

مشكور يا نوف

وماقصرتي

قصيده رائعه

وشكرا مره ثانيه على ايراد القصيده

ولا تحرمينا من جديدك

تقبلي تحياتي

المطلاع
اشكرك على مرورك الرائع
وابشششششششششششر بالخير

اختك نوف

صح لسانك يانوفه
والقصيده جميله جدا ولاتبخلي بجديدك
وسجلي اعجابي
ولكي خالص تحياتنا.........

اختي الغالية نـــــــــــــــــــــــــــــــــــــــ ـوف
شكرا لك على ايراد هذة القصيدة وياليت لو كل بنت تتعض
اختي اتمنا من كل بنت ان تتمعن فى هذة الآبيات سوف تجد الطريق الصحيح

دمتي اختا غالية
اخوك ابو فيصل

راعي العميشاء
صح بدنك اخوي
وشكرا على مرورك العطر
اختك:نوفه

هلا بك اخوي الصارم
وصدقت ياليت كل البنات يتعضون

والله ما نقدر نقول غير الله يهديهم وبس

مشكور على مرورك المميز

تقبل تحياتي: نوفه

اخوي سالم الشمري
شكرا لمرورك بالقصيده
وصدقت ياليت كل أمرأه تقراها
.
.
.

للاسف اخوي والله ماني متذكره مين كتبها بس بدور واذا لقيت شاعرها
بعلمكم
ومايصير خاطرك الا طيب

تقبل تحياتي
اختك نوف