بسم الله الرحمن الرحيم ..
:
السلام عليكم ورحمة الله وبركاته ..
:
اليوم برد ومطر .. وانا نحيف .. وما لي حبيب ..
لحظه ..!!
لا تفكر اني باقول كل هالكلآم اللي راح اقوله ..
لأجل أكسر خاطرك وتعطف علي ..
اللي رآح اقوله ..
كلآم ما هو خآطره ..
شي فيني ما أدري وشو ..
الوكآد ..
أسمع .. لا لا .. أقرى .. وبس ..
أيش فيني ..
هذا هو اكبر جواب ..
فيني صهيل خيول جدي على عداه ...
اليا ركبها وانتخى وسل سيفه
:
أخ ..
:
عبدالعزيز .. يخآطب نفسه ..
لمآ كل هذا الحرص على أنآس تعلم جيداً أنهم
ليسوا في صفك .. ؟؟
عبدالعزيز .. يجاوب نفسه ..
لا ليس هكذا .. انا حريص على هؤلاء الناس ..
لمجرد انهم ناس ..
يمتلكون روح .. يمتلكون مشآعر لا ارضى ان تجرح ..
أحاول بتعاملي أن أرضي الجميع ..
طيب يا عبدالعزيز .. ليه انت ما ودك تفهم أكثر .. ؟؟
ما أدري يمكن اني خايف اعرف شي ومن عقبه .. يخيب ظني ..
خلني كذا اريح لي .. لا تضايقني ولا تجيب الضيق لصدري ويومي ..
..
طيب عبدالعزيز ..
ليه .. دآيم .. عندك .. العمق والمضمون أهم من المظهر وبالذات بوقتنا وقت المظاهر .. ؟؟
تصدق ما ادري هذا الجواب اللي ما قدرت اجاوبه ..
عطني جواب .. اقدر أجاوبه اذا سالني غيرك لأن انت تعرف ليه ..
طيب يا عبدالعزيز ..
أنت تحب .. والا قلبك خالي وما به احد .. ؟؟
يا سلآم يا سلآم .. ما توقعتك تسأل هالسؤال ..
أقولك ايه انا أحب ومنهو اللي ما يحب ..
حتى انت تحب وقلبك مو خلي ..
:
طيب يا عبدالعزيز ..
.. لو جتك تهمه .. باطله من شخص .. تقدر وتعزه .. وش ردك عليها .. ؟؟
ويش ردي ..
أسمع انا أحب قوقل لأنه صريح .. من تسأله .. يعطيك ما عنده ولا يتضايق ..
وانا كذا .. أحب المواجهه .. والا التهايم .. مو مشكله .. قد قالوا .. أول ..
نام مظلوم ولا تنام ظآلم ..
:
طيب يا عبدالعزيز ..
مرات اشوفك تتحمس لأامور بسيطه .. ليه كذا ..؟؟
بكل بساطه انت يهمك المظهر .. انا لا ..
يهمني المضمون .. والاشياء البسيطه .. بعينك ..
عندي وعند اللي يعرفون .. ما هي بسيطه ..
:
طيب يا عبدالعزيز ..
اللي بصدرك .. ليه ينبض كل هذا انت طمآع تبغى الحيآه ..؟؟
أسمح لي اقولك .. انت ما تعرف عبدالعزيز ..
انا في اتم استعداد للموت .. وفي أسعد الحظات عند الموت ..
لأني طول عمري .. ما نويت أذي احد ... ما نويت اجرح واصد ..
حافظ ديني .. وعارف وش مصيري ..
بس تدري ودي بالشهآده .. لا تقول طمآع .. لا وربي ..
هذي هي احلى وفآه ..
:
طيب يا عبدالعزيز ..
مر على عمرك ثلاث وعشرين سنه .. وش سويت .. ؟؟
لازم تعرف .. سويت اشياء كثيره .. وأغلبها خطيره و مثيره ..
:
طيب يا عبدالعزيز ..
وش سالفتك مع اهل الجنوب .. ؟؟
أص أسكت ولا كلمه .. هم عشقي .. هم حبايب قلبي ..
هنا طاحت دمعتي .. يوم(ن) ذكرت أهل الجنوب ..
:
طيب يا عبدالعزيز ..
تبي تقول له شي .. ؟؟
ايه ابيك تاخذ له رساله ..
وتقوله عبدالعزيز .. واضح .. ما به غموض ..
يقدر النفس الرضيه ..
يحبها الروح الصبوره ..
والا تدري ..
على شان ما أزيد واوصل لشئ (ن) خطير ..
قله اني ..
قله اني ..
عبدالعزيز ..
ومن اسمي ما خذ(ن) أكبر نصيب ..
ما خذ(ن) عزة ابوي ..
رافع(ن) راسي وأناطح ..
:
قله اسمي ..
وهو ..
يآ ...............
راح يفهم ويعرفني ..
تصدق للحين ودي افضفض لك ..
لكن البرد ذبحني ..
والوقت غلبني ..
يا الله راح افضفض لك مره ثانيه ..
..
اوه يا الله حيهم انتم قريتوا ..
اعذروني كنت في أتصال مع ..
طيف .. عابر ..
أعذروني ..
:
:
كتبه .. الحآلم اليآقض // عبدالعزيز ..
