شعاع البرق ذكرني بمبسم وجهها المملوح
[poem=font=",6,black,bold,normal" bkcolor="transparent" bkimage="http://www.shmmr.net/vb/mwaextraedit2/backgrounds/5.gif" border="double,4," type=2 line=0 align=center use=ex num="0,black""]
رجيتك ياهنى روحن تمنت شوفتك ساعه=ولا ذاقت بدرب العـشـق لامكـسب ولا مـربوح
انا قلبي على دربك شكى من لايعن لاعه=طبوعك ياهـوى بالي طواريها تـغـث الروح
اخبر اللي يبي غاليه لاقال اسقني طاعه=وانا غـادرتكـم ضامي بقـلـبن ضايقن مجروح
رحلت بمركب احلامي تلوح الريح بشراعه=وموجات البحـر تلـطـم على اللي يدخـله ذابوح
هزيم رعودها يرجف وبرقه يركز اشعاعه=واذا ناظرت تبـي سهيل ماهـو بالـنـظر ملموح
غطاه اللي غطى قومن خدعها زين مرباعه=وتاليهم بـقـايـا قـوم ركبوا في سفـيـنة نوح
اشوح الشوف بعيونن تحاول شوف مطلاعه=اراجي شوفة الشاطي او اريـام الـفـلاة سروح
خفوقي ضاع بامواجه سبايب صاحبن باعه=ولايقدر يشوف الدرب لـو برقـه غـدى له ضوح
عقب ماكنت والغالي بروضن فاح نعناعه=اشوف الموت يدعيني ولـو شحـت النواظر شـوح
طرى لي وسط موجاته خدود الزين لاراعه=شعاع البرق ذكرني بمـبـسـم وجهها الـمـملوح
عيون اللي ورى الصيده رماح الموت باصباعه=يشيل الموت باصباعه الـيـا لاح الحـبارى لوح
مراميع العرب كله قصارن دون مرماعه=واذا شاف الحباري راح تلقى خـربهـن مسـدوح
عشيري من جميع البيض شال الزين بانواعه=جفى قلب الحبيب اللي غرامـه مايـريـد شـروح
الا يامنوة الخافق وراس المال واطماعه=وسلوة عاشقن دمعه على خــد الـعـناء مسـفوح
انا جيت الطبيب وحط فوق الصدر سماعه=وجاب الفحص والناتج خفوقن بالـغـلا مشـفـوح
وقال ان الظماير فات سبع شهور مرتاعه=وصدره كاتمن نارن من الضيـقـه غـدى له فـوح
تقول انه نهش حاله ذياب الجال وسباعه=او انه عاشقن غنجاء ولاكنه يخـاف الـبـوح
وقال ان الدواء رشفة ثنايا خفرتن ضاعه=عنودن مثل عين الريم حطتكم على الجـابـوح
وقلت اعلن خبر موتي على العالم بمذياعه=وقل موته سبب خـشـفـن تـروه بذبحـنـا مـسـمـوح
[/poem]
