الله ولا اللي يظلموني .. وانـا أشـوف

السلام عليكم ورحمة الله وبركاته

الله ولا اللي يظلموني .. وانـا أشـوف
ناس(ن) بلاني بالي(ن) .. من بلاهـم


لا ما اشتكيت .. ولا بعد صابني خوف
دام العهـد يمنـع .. وطبعـي حماهـم


ماني بظلام(ن) .. ولا اجرح لهم جوف
لا وان حكوا فيني .. أنا احمـي قفاهـم


ماني بشذاب(ن) .. يحوف العرب حوف
يفرح اذا ضاقوا .. ويكشـف خفاهـم


انا ولد منهو على .. العـز بـه نـوف
يستـر ويرفـا نجـم .. لاح بسماهـم


أقولها وفي داخلـي .. سـر معسـوف
مثل الذي جاني .. ما أبي يقال جاهـم


النيه البيضا .. بهـا الصـدر ملفـوف
تسوقنـي واطيعهـا .. وآرد مـاهـم


معروفهـم مـا أرده .. الا بمعـروف
وافي معاهم .. والخطـا مـن رداهـم


أدري جهلوا .. لكنها ظروف و ظروف
صدري لها اوسع .. وان تزايد خطاهم


لو تجتمع هالخلق .. بأشكال وصنـوف
أعرف مطلاعي .. والاعـب هواهـم


ذيب(ن) سرى ولصيدته .. حيل ملهوف
كشر بنابـه غـار .. جـاب وكواهـم


فارس وسيفي ينطح .. رماح وسيـوف
أصطي عليهم لين .. ما أذبح صطاهـم


هذا اذا زاد الخطـا .. ذنـب مـردوف
وأغواهـم الشيطـان .. زاد بعمـاهـم


للهرج زبده .. والمنيـه لهـا حتـوف
يكرم جنابـي .. عـن مذلـة وطاهـم


ما جا خطا مني .. ولانـي بمكلـوف
اني اسوق العذر .. وارجـي رضاهـم


الله ولا اللي .. يظلموني وانـا اشـوف
ناس(ن) بلاني بالي(ن) .. من بلاهـم




:
:



للشاعر .. عبدالعزيز الوادي ( فارس الصحراء )


:

ماني بظلام(ن) .. ولا اجرح لهم جوف
لا وان حكوا فيني .. أنا احمـي قفاهـم


صح للسسسانك يابو ضاري وصح للسان شاعرها بارك الله فيك روعه روعه وربي

سلمت يمناك يابو ضاري


وصح قلبه عبدالعزيز


كلمات ثمينه دره من الدرر


لاهنت

صــح لسان شاعرنا القدير /فارس الصحراء

ولاهنت يالمحترم على نقلك لهذه الرائعة
ابيات جميلة جدآ

لاعدمنااااااااااااااكـ


لكم كل الاحترااام والتقدير

دائماً تختار لنا الافضل والاجمل
شكراً لك مشرفنا الفاضل ابوضاري
وسلمت يمينك وصح لسان شاعرها.

ما جا خطا مني .. ولانـي بمكلـوف
اني اسوق العذر .. وارجـي رضاهـم




لاهنت على النقل

وصح الله لسان عبدالعزيز

والنعم بالشاعر عبدالعزيز الوااادي ..


وصح لسااانه..


لاهنت يابو ضاري على هالنقل الجميل..


شكراً لك..

صح لسانك ولسان شاعرنا عبدالعزيز الوادي

ولاهنت ابو ضاري على النقل المميز