هذه القصيده بعد حضوري زواج الاخ الشاعر
نهار سمير الدحيلان
وبعد اعتذاري عن الامسيه الشعريه
ياهاجسي مالك عذر موعدك حـان،،،دك البيوت وحركـه عـن محلـه
خله تلاطم بالحشى تقـل طوفـان،،،يوم العواصف والرعـود ارتكلـه
بمناسبـة فرحـة نهارالدحـيـلان،،،بنـات فكـري هاجسـي فرعلـه
واقبل مثل قلب الجنـازه بالكـوان،،،لامـن ترفـات الصبـا زغردلـه
يرجف براسي لاحتمى تقل بركان،،،لومانثره خطرن عروقـي يشلـه
مثايل(ن)عليه ختـم لبـن خمسـان،،،والنشر وحقـوق الطبـع يحفظلـه
يكفيه بـس انـه شهدلـه بليهـان،،،شهادتن تكفي عـن المـدح كلـه
وان قيل منهو قلت فهد طليحـان،،،حـرن عزومـه للمراجـل تتلـه
ملهم قصيدي والمعانـي والاوزان،،،يومـن كلـن هيضـه ملهمـلـه
اشوش لاقال اعجبن شعر قبـلان،،،تتويـج وابـداع الشعـر دافعلـه
يافهـد وصلهـا سلايـل كحيـلان،،،نهـار عـل ايامـهـا يـمـهلله
اللي جمع عكف الشوارب بديـوان،،،في مجلسن مـن يدخلـه مايملـه
وصيانين لا شافه العفـن كوبـان،،،لولا الحيا يمكـن دموعـه يهلـه
وقولة هلا من قلب واحساس ولسان،،،والعـود الازرق والمهيـل بدلـه
وربعن لياجوله من البعد ضيفـان،،،ياسعد رجلـن حطهـم محزملـه
يحقلـك تفخـر بهم جهر واعلان،،،مثل السيوف اللـي يمينـك تسلـه
وانت الحصان اللي عبر كل ميدان،،،وشوق الهنوف ام الرموش المضله
تستاهل التكريـم يعالـي الشـان،،،وقدر الرجال اللي عنـو حشمتلـه
في ليلتن فيها القمر كـان سهـران،،،على نغم شعـرن حروفـه رقلـه
ليلة وفـا تكريـم تبقـى بالاذهـان،،،لـو دارت ايـام الزمـن والهلـه
تبقى على صفحات الامجاد عنوان،،،مكتـوب فيهـا كرمـوه بمحـلـه
