ياراكب اللي يـوم نفاثهـا حـن
,
,
,
,
,
,
[align=center]بسم الله الرحمن الرحيم
اقدم لكم ثلاثة قصائد من القصائد المميزة جداً
القصيده الاولى للشاعر عايض بن سعود العصيمي عندما كان يتعالج في ألمانيا رحمه الله
[poem=font="Simplified Arabic,5,#E9B804,normal,normal" bkcolor="#0A0A01" bkimage="" border="none,4,#400000" type=0 line=0 align=center use=ex num="0,#400000"]
يالله يافـارج همـوم ٍ ليـا جــن=ياواحد ٍ فـوق السمـاوات عالـي
يارافـع سبـع وسبـع بسطهـن=ومرسى الجبال الشامخات العوالـي
يامحصي ٍ خلقه من الانس والجـن=وأخرجت يوسف من جبا جو خالي
واصبح بريّ ٍ من خطايـا يكـادن=الأولـه واللاحـقـات التـوالـي
افرج لمن كنّه علـى اللـي يقالـن=جمر الغضـا لازاد فيـه اشتعالـي
وادموع عيني فوق حجري يصبّـن=تشدي غروب تحت هجف المحالي
دايم علـى خـدّه وعينـه يكفّـن=مثل المطر من مستهـل الخيالـي
وليـا سألـت إعيـون وشبلاهـن=جات الاجابه قبـل فتـح السوالـي
امس الضحى في دار واليوم مع من=إمـع اليهـود محرّميـن الحلالـي
في دار هتلـر مانعـرف المـؤذ ّن=دار ٍ عساهـا بالمحـى والزوالـي
ياعيد ماصبركم على ديـرة لجـن=لاإخوان لاعمّـان لا مـن خوالـي
عزّي لكم ياعيـد مثـل المسجّـن=وأنا بعـد ياعيـد عـزّي لحالـي
عقب الجماعه جالس ٍ في بلد مـن=لاحـد مسفّرنـي ولانيـب جالـي
ياعيد لو تعـرف فـروخ ٍ يلجّـن=فـي دارنـا مايدركـن النـوالـي
قصار ريـش ومالـك الله يطيـرن=حب تحـت ربّ ٍ عزيـز الجلالـي
ويانجر يامشكاي عينـك عليهـن=وخلّك عليهن مثل وصف الظلالـي
وياسعود ظنّي فيك لاتخلف الظـن=إتروف بخوانـك سـواة العيالـي
حـاذور لامـرّوك ناديـت ياهـن=وتميل مع بقعى علـى كـل جالـي
وأوصّيك ياهندي وصيّـة عليهـن=أنت الولي والله علـى كـل والـي
أرفق عليهن ليـن حتـى يضفّـن=وآمر عليهـن بالرضـا والعدالـي
وإفطن لهن ياذيـب ليـن يتعشّـن=ولايمرحن الليـل والبطـن خالـي
حتى يجي يـوم خواتـك يقومـن=أنت اللذي تربا وانـا راس مالـي
واسلم وسّلم لي على من نشد عن=وقلّه تراي بـدار ساكـن لحالـي
ماعندي الاّ قـوم جـنّ ٍ تراطـن=لاحد ً يسـال ولايجيـب السؤالـي
وعيونهن زرق ولاأدري وشنهـن=يحرم عليهن سترهـن والجمالـي
وجدي على شوف الهضاب يتزامن=دار ٍ سكنّاهـا قـديـم ٍ وتـالـي
إديارنا في نجـد محـروم ينسـنأمّ ٍ= غلاها مـن وراء كـل غالـي
وزواجها من جدّنـا سنهـا سـن=على الشريعه واشقر الـدم سالـي
يوم إنحدر بجموعه اللـي تبـارن=من حـد بيشـه للمدينـه شمالـي
وعزّ م ولزّ م للمعـارك يخوضـن=ماهمّـه اللـي قاعـد ٍ بالتـوالـي
حتى سكن في نجد غصب ٍ بلامـن=وإحتل دار مكـرّ ميـن السبالـي
من بعد خيل وجيش للشيخ يهـدن=خلّـوه عـن داره يشـد الرحالـي
ربعي ترى عتبـان ياقايـل ٍ مـن=اللـي تكـرّ م ضيفهـا بالخيالـي
ذبح المربّـي عندهـم دايـم ٍ فـن=هـذا بعـد تقديـم كيـف الدلالـي
لاجيـت مجلسهـم لـزوم ٍ يلقّـن=ماحسّبـوا فـي دقهـا والجلالـي
وياعيد ماأرسلنا التذاكـر يحجـزن=ماغيـر أعـد أيامهـا والليـالـي
متى نوادعكـم إليـا جـن يمشـن=ومتـى تحلـق بالسمـا ياطلالـي
حتى نجي بديار من يحـرق البـن=سواة ابو يونس صديقا ً صفالـي
ابو محمـد يـوم عنـدك تلافـن=وجيه النشامى الطيبيـن الغوالـي
بلّغ سلامـا ً مرسلينـه بـلا مـن=بأفضل تحياتـي لهـاك الرجالـي[/poem]
القصيده الثانيه
عندما سمِع الشاعر / محمد بن عبود العصيمي قصيدة عايض بن سعود كان لها في نفسه بالغ الأثر
فقال هذه القصيده مجاراة لقصيده عائض سعود
[poem=font="Simplified Arabic,5,#E9B804,normal,normal" bkcolor="#0A0A01" bkimage="" border="none,4,#400000" type=0 line=0 align=center use=ex num="0,#400000"]
ابدأ بذكر الخالق اللـي لـه المـن=الخالـق المعبـود رب الجـلالـي
الخالق الـرازق محصـي ثقلهـن=عـلاّم مـاب الكـون أوّل وتالـي
هات القلم واكتب بيوتـا ً يشوقـن=من صدر ابن عبود مثـل الزلالـي
بيوت ٍ على صدق المحبه تبرهـن=تنقد كمـا نقـد الذّهـب والريالـي
أغلى من الدولار واغلى من اليـن=للصاحب اللـي للمواجيـب شالـي
ابو سعود اللي على الجـار يومـن=عسـاه يرجـع للوطـن والعيالـي
شـال الحمـول الكايـده ماتوهّـن=عسـاه يرجـع للوطـن والعيالـي
شـال الحمـول الكايـده ماتوّهـن=عسـاه يسلـم مايجيـه الهزالـي
يابادع القيفان بالشعـر لـك فـن=انته حكيـم وكـل قولـك عدالـي
حرّكت مكنون الحشـا ياولـد مـن=اللي لـه الطالـه كريـم السبالـي
خواطـرك جتنـا وللقلـب يشقـن=هلّت دموع العيـن مثـل الخيالـي
بكّيت وابكيت العـرب فـي بلدهـن=حيثك رقيق القلب حيـن السؤالـي
اصبـر وخلّـك للمقاديـر مؤمـن=الصبر مفتـاح الفـرج والكمالـي
ارفع يديك لخالـق الكـون واهتـن=يعطيـك مطلوبـك وكـل النوالـي
لاتشتحـن لفروخـك اللـي يلـدّن=يم الرحيم اللي على الكـون عالـي
لاتشتحن ياشيخ وللنفـس تشحـن=تحمّـل المكتـوب يابـن الرجالـي
الكل في خدمتـك يامحـرق البـن=قوم ٍ تشيل الحمـل مثـل الجمالـي
اولاد عتّـاب صـواريـم يـهـون=أهل المهار اللـي تجيـب المثالـي
هيلا ً تهايل فوق الاضـداد تنجـن=ترسي كما ترسي رواسي الجبالـي
اسيافهم مثـل البـروق يتواشـن=يذكرهـم التاريـخ لاجـاء مجالـي
قوم ٍ تعـز الجـار وتكمّـل الفـن=صولاتهم صوب اليمـن والشمالـي
ولهم مع المشرق تواريـخ يقـرن=والغرب يذكرهم علـى كـل حالـي
تذكـر لنـا زرق العيـون المفتّـن=في ديرة مالـك بهـا راس مالـي
ومادام لك صدّه عن الخمـر لاجـن=نرجو لك التوفيق ونيـل المعالـي
عسى عوضك الحور لامرك يطيعن=عطا ً مـن الخـلاّق رب الجلالـي
حنّا بدار اللـي لـه الخيـل يهـدن=ابن سعـود اللـي حكـم بالعدالـي
سيفه على حزب الضلالـه ممكـن=حامي حمى البيتين من أهل الضلالي
وصلوا على اللي علم الانس والجن=المصطفى المختار لاجـا المجالـي [/poem]
القصيدة الثالثه للشاعر الكبير مطلق بن حميد الثبيتي رحمه الله مجاراة لقصيدة عايض بن سعود رحمه الله تعالى
[poem=font="Simplified Arabic,5,#E9B804,normal,normal" bkcolor="#0A0A01" bkimage="" border="none,4,#400000" type=0 line=0 align=center use=ex num="0,#400000"]
ياراكب اللي يـوم نفّاثهـا حـن=تسبق قمر عشرين وقت الزوالي
طيارهـا فنّـي وطبلونهـا فــن=ويازين للنفـاث فيهـا اشتعالـي
ياكن تحت إجناحها يضحك الجـن=ولاصواتهم تحت الجناح إجتوالـي
اثقل على كبد الثرى من مية طن=وأخف من ريش الوحش فالعلالي
منوة غريـب لاذكـر ديرتـه ون=وجاته همومه من يمين وشمالـي
ملفاك رجل ٍ عادته يحـرق البـن=والنجر يعول وبين صبح الدلالـي
في مجلس ٍ مافيه تهمـه ولاظـن=ياماذبح للضيف من كبش غالـي
يرسي كما يرسي مكانه جبل عـن=معروف لو صكّت عليه الجبالـي
ابو سعود إليـا الركايـب تلافـن=قدّم لاهلهن كيـف مـرّ ٍ وحالـي
وإليا عطا يعطي عطايا ً بلا مـن=ماتعرف اليمنى عطايـا الشمالـي
قلّه تـرا غبـر الليالـي تقافـن=واقبل سعدك وعنك حملك يشالـي
لاتثّـر العبـره ولاتقـرع السـن=أطلب وحنّا لك خـوان وعيالـي
والنفس عن شطحاتها عنّها عـن=عن ّ الفرس بمثولثـات الحبالـي
أنته عتيبي مانت هن ّ ٍ ولد هـن=ممدوح لن جا للسوالـف مجالـي
ربعك عتيبـه والتواريـخ كتبـن=كيد العـدا وامكرميـن السبالـي
كم فـارس ٍ خلّـو بناتـه يونّـن=عليه واسي مجلس الشيخ خالـي
ستر الخوي والضيف والجار يأمن=في ضفهم مـن خاينـات الليالـي
ياما تمنّـى موتهـم نـاس لكـن=زادوا وزادوا بالوفـا والكمـالـي
ياجاذب الطاروق في مدحهم غـن=تطرب وتطرب لك قروم الرجالـي
يابوسعود الفكـر تايـه ومنجـن=يبـا يسيّـر يمـكـم ياحـلالـي
سلّم على هتلـر وسلـم عليهـن=إمكحّـلات عيونهـن بالـدلالـي [/poem][/align]
