(يالمضيعك)
وين ألقاك يالمضيعك وأنت عيوني لثنين......
ماظل من حياتي لافرح..لاأمل..لاميعاد ولاحلم
ألا حروف مكتوبين.......
ساعات يبجي القلب من عذابك...
وساعات يكول أهون علينا الجفة بالعمر والسنين.....
حار القلب...وحارت دروبي بالصعب...
حار الزمن...من ساعة هجر وجفة ولحضات متقربين....
علمني وضعك....
وبيا حال أصفة أنا...
ولشوكت وأنا مضيعك...
/
/
يالمضيعك...
كافي هجر....والعين دمع من الصبر...
.
.
كافي هجر..
وكافي تقول بكل لحضة أنا مودعك...
كافي جفة.....ترى حتة الطفل صار يضحك...
والواشي شمتان...فرحان ومهتوي على طبعك...
/
/
يالمضيعك...
دروبي صارت جهل...وين الفعل...
وعيوني ذبلت بالسهر....من شوق وقهر..
ولشوكت عين البنت..تدمع قهر وعالظلم تسهر...
/
/
يالمضيعك....
عتاب أوصل أنا ...بيد السهر...
بيد القهر....بيد كل واحد يسمعك...
القلب بطل هنة...والعمر صار رماد من نار جمرك...
/
/
يالمضيعك....
وك صارت أم البنت...تنعت نعت...
وتكول وين ألكا اليعدل طبعك.....
وصار الجور للزينة ونس....
من الهم تحتبس....وتكول أودعك....
/
/
يالمضيعك...
كافي قساوة ....وألم...
وك كافي ظلم...ترى ظلمي ما ينفعك...
/
/
لو ردت أهديك العمر...
وأفديك بنواع الصبر...
وأنطيك من روحي دهر..
ومن دمع عيني أشربك
/
/
وفيت كل الوفى....بهم وضنى
وما عرفت شلون أقنعك...
/
/
الحال وجه صوت...صداه الموت...
والقلب دعى ...ربي يصدعك...
/
/
ماكفاني والشوق يلهج بأسمك..
هذا حالي اليوم...أنا وياك...
ما ظل أسم من بقاياك...
غير أنادي بصوت...والهج
يالمضــــــــــــــيــــــعـك....
بقلمي
الكاتبة
نور ضياء السامرائي
________________________
المعذرة لم اجد مساحة اكتب بها الشعر الشعبي العراقي الحر فوضعته هنا
أرجو ان تتقبلوه
أحترامي
