في ذمتي ماهيين نفسي لمخلوق .............] مما راق لي
صبحكم / مساكم الله بالخير
قصيده اعجبتني وحبيت انقلها لكم ....................<
(. القصيده .)
اشغلتنـي ياهـم واسهـرت عينـي
من زرتني والنـوم مايدخـل المـوق
لازارنـي همـي وبـيـح كنيـنـي
خذيت لي لا هـود الليـل طـاروق
امـا اللعبـه مسحـوب ولا هجينـي
من ضيقتي ماهو من الوله والشـوق
ياحسرتي ياما مضـى مـن سنينـي
والله يستر لايجـي الطـاق مطبـوق
اللـي مـن الله كاتبـه فـي جبينـي
سبحانه اللي دبر الرزق مـن فـوق
امـن العـدم لـو اتوسـد يديـنـي
في ذمتي ماهييـن نفسـي لمخلـوق
وكرامـةٍ منـهـا تـعـدا يميـنـي
والله ماحظـاهـا ولا اذوقـهـا ذوق
ووالله ماجـي واحــد ٍ مايبيـنـي
لو كان يلحقني من الوقـت ملحـوق
ولاني وراء غرات ربعـي ادوينـي
وادخل على الله ماعرف الغدر والبوق
واللـي ليامنـي زهمـتـه يجيـنـي
باسوق نفسي لابـدا لازمـه سـوق
لـو الحجـاز ونجـد بينـه وبينـي
الاٍ عنـه يمنعنـي المـوت والعـوق
لوضعي ولسراري وشينـي وزينـي
عهد ً علي لاخلي الصـدر صنـدوق
للناس لـو اسـرار صـدري تبينـي
والله ماتنفعنـي وانـا منـك مزنـوق
ماينـفـع الا فزعـتـك يامعيـنـي
ماهو بشرط كـل مطـرود ملحـوق
