عرض للطباعة
لجميع من عندهم تاكيد التاريخ والمعرفه بكل شفافيه
خور غنيم هو شبه وادي غرب جنوب حفر الباطن
سؤال لمن عندهم تاكيد لماذا اطلق هذا الاسم على خور غنيم منهو غنيم والمعركه اللي صاره بهذا الموقع وبين من ومن وارجو من يعرف قصايد هذه المعركه شي مشكورا يزودنا بها
ونا واثق انها لاتخفا على ابو فهد الغسلان وغيره من الادبا والمؤرخين لاحداث الجزيره العربيه
ســـــــــلام
عليكم السلام
يهلا بأخونا الحيمري ماعندي شي اضيفه ولكن ابورد لك موقعين يحملون اسم خور واتمنى احديسرد لنا عن اسباب تسميتهم هكذا ..
طال عمرك مثل ماذكرت عن خور غنيم ونا اول ماحسبه قريب من حفر الباطن
وفيه بعد موقع يقال له خور وقيان واحد منهم شبه مؤكد انه مطيري وعقيد قوم وذبحوه شمر وسمي عليه ولا اعلم ايهم .. هذا مايخص موضوعك الاساسي
طلب شخصي هقوتي يابعدي عندك سوالف وقصص طيبه مثل اصلك الطيب بس ماتبي تطلعهم وملاحظ عليك تسئل وانت اظن عندك العلوم كلهامن قصص ومغازي اول هاتهم ياشيخ احلى من مصادم فلان وعلان لو انك على حق اي والله
وتر هاا ما نضمن لك لو كتبت قصه ولا سالفه ولا معركه
يمكن نصك عليك انا واخونا العزيز وافي الزنيدي مهنا زعل ولا نبيك تزعل يمننا ضايقناك :)
نشوفكم على خير
الحيمري..
بالنسبة لخور غنيم .. ننتظر راوينا ابو فهد ليعطينا الوكاد.
عبدي أصيل..
خور وقيان ... سمي نسبة الى وقيان الدويش.
وهو الذي قتل بهذا المكان ومن معه من ربعه ، وهذه القبور وقفت عليها مع من قص لي مقتل الدويش ، في اعلى الخور من جهة النفود .
واللي قتله هو " فريح ابو وشاح السليطي " .
وننتظر الراوي ليعطينا بالتفصيل...
احترامات لكم
عبدي اصيل اشكرك ع المرور وانت واخوي الزنيدي على الراس ومهما نتجالد عبر الشبكه
الزعل منبوذ في كل الاوقات وذكرتني على خوروقيان
الله يرحم جميع اموات المسلمين
[quote=صلفيق;
[B]خور وقيان ... سمي نسبة الى وقيان الدويش.[/B]
صلفيق تسلم ع الايضاح واشكرك
ورحم الله الجميع
تقول مويضي البرازيه:
ياذيب ياللي بين خضراء ولينه....ياشين لاتاكل مناكب وقيان
اقتباس:
المشاركة الأصلية كتبت بواسطة عبدالله الجعيثن
ابوغازي
لاهنت على هالبيت من قصيده رثا مويضي لدويش