ثلاثه اربــعـه ...........] للشاعر احمد مناحي الشمري
صباحكم / مسساكم الله بالخير
<>[] القصيده []<>
<>[] كتبت بك ثلاث قصايد وابـي اسويهـا اربعـه <>[]
<>[] اليوم هذا بـس غيـر اللـي كتبتـه مـن قبـل <>[]
<>[] يالصاحب اللي لو يأشر في قصيـدي بااصبعـه <>[]
<>[] الاربعـه والله لادبلهـا لاجـل عينـه دبــل <>[]
<>[] مادام صعب يشوفنـي لعـل صوتـي يسمعـه <>[]
<>[] عساه يعرف حالة اللـي قطعـت فيـه السبـل <>[]
<>[] لا والله الا مايـروح الا انـا رايــح مـعـه <>[]
<>[] ماني على الغارب مخلي بعـد ماالقـاه الحبـل <>[]
<>[] انزل نزوله لا نزل واطلع معـه فـي مطلعـه <>[]
<>[] يدي بيده من وطا الـوادي الـى راس الجبـل <>[]
<>[] البعـد مالله حببـه لــن الجفـيـا موجـعـه <>[]
<>[] تحمل متون الرجال اكثـر مـن متـون الابـل <>[]
<>[] راعي الهوى لامن هـوى مايقتنـع لـو تقنعـه <>[]
<>[] ماهـي معـاه بفارقـه مجنـون !متهور! خبـل <>[]
<>[] وانا بلاي اشتقت لسيوف (ن) بعينـك مشرعـه <>[]
<>[] ورموشها صفة عساكر قادهـا صـوت الطبـل <>[]
<>[] مثل الجمـر شفايف(ن)قلـب المولـع تنزعـه <>[]
<>[] وليا ابتسمتي لاح بيـن شفـاك بـراق الوبـل <>[]
<>[] فيك النـوادر والغرايـب بالوصـوف مجمعـه <>[]
<>[] ورد الحدايق لو يشوف الورد بخـدودك ذبـل <>[]
<>[] مير ارحمي قلب(ن) دخل ضيق المحبه من سعه <>[]
<>[] سلم لك امره لـو امرتيـه يتعـذب بـك قبـل <>[]
<>[] مايرفـض الا بغيتـي حبـل وصلـك يقطعـه <>[]
<>[] وان قالها الله وانجبر معذور لـو فيـك انهبـل <>[]
<>[] وسسسسسلامتكم []<>
