هاقولكم علي طريقة كريب بالشوكولاته انا مجربها وبجد حلوة جدا بس سوري من غير صور
المقادير:
1/2 ك حليب ( نصف كوب )
1ك دقيق (كوب)
1 بيضة
وطبعا طالما في بيض يبقي في فانيليا كفاية كيس واحد
رشة ملح
رشة سكر
1 م ك زيت
شوكولاته + زبدة
الطريقة:
بالنسبة الشوكولاته المفروض نعملها الاول نحط زبدة مع شوكولاته خام علي بخار مايه لغاية ما تسيح علشان نرشها ع الكريب بعد ما يستوي
نخلط الدقيق مع السكر واللبن و الفانيليا والبيض والملح والزيت ونضربهم بس بالمعلقة
بعد كده نجيب طاسة ونرش عليها زيت خفيف اوي مجرد ندهنها به بعد كده نحط كام معلقة من الكريب في الطاسة ونخلي النار هادية علشان ميتحرقش ويستوي المهم كل ما نسوي واحده ندهن الطاسة ونحط واحدة تانية لغاية مانخلص الخليط ال عندنا وال عايز كمية اكبر يعمل ضعف المقادير
بس كده الحمدلله خلصت بس ياريت تجربوها حلوه اوي بجد
