-
ماتعرفون اسمها ياشمر؟؟
اظن انها شاعره شمريه
ولا اظن احدا لم يسمع بأحدى قصائدها
عاد الغزو ولاكن لم ترى عبدالله؟؟؟
اين زوجها؟؟؟وكان زوجها حسب ماسمعت من احدهم ان عبدالله ابا الرمال
لقد قتل
فقالت
يهل الركايب وين عبدالله** لاو الله اللي غدا بالكون رجالي
يبطي عليه الصحن والنجر والدله** وتبكيه رملا عجوز مالها والي
وتبكيه حمرا نهار الكون منتله** يوم اشهب الملح غاد(ن) له تزلزالي
ياقلب اصبر على ماجا من الله*** ك واحد لاعته بقعا وهو غالي
وقالت ايضا
يارجم ماشفت عبدالله؟؟** ماواق بك وقت الادماسي
يارجم انا سايلم بالله*** أيا الرجاء وأيا الاياسي
وقالت ايضا
مرحوم يامهلي بالضيف** يامكثر الهيل بالدله
ياما صفقهن وراحن عيف ** وياما حمى كل منتله
اعتذر قد اخربط قليلا بأبياتها ولاكن هذا ما احفظه لها
يقال انه اتاها كبار قومها يخطبون بعد موت عبدالل
فقالت : ماتستحون؟؟؟؟؟؟؟؟؟
تخطبون مره بحبال رجال؟؟
قال الرجال وينه؟.؟
قالت ابجتمع معه بالجنه
اخواني احببت انا اشرككم بتلك المشاركه ولدي سالعن اسمها للتوثيق وهل لديها اشعار اخرى
فهي نادره الوجود
سمعت من احد كبار السن ان محمد السديري حين سمع قصديتها بكى
ولكم شكر اخيكم حميدان
منتدى مطير
-
كنه الرماليه
شاعرة معروفه
انتظر راح اجيب لك بعض من قصايده قريبا
-
كنه الرماليه (من قبيلة شمر)
-----------------------------------------------
باقي العرب موتهم تخفيف **** مار البلا موت عبدالله
مرحوم يا مهلي بالضيف **** يامكثر الهيل يالدله
إذا مسك زينة التوصيف **** الدم من مضربه شله
ياما صفق هن ووردن عيف **** ويا ما حمى كل منتله
----------------------------------------------------------------------
الغوش ما أحلى محازمهم **** ياحلو غوش الرمالات
يزين صفة ركايبهم **** مع كل ريع مويقات
العام هاذي منازلهم **** واليوم يم الحويطات
ياطير بالله سايلهم **** من حي منهم ومن مات
سايل وجب لي علايمهم **** هو ما لهم بنجد لفتات
----------------------------------------------------------------------
ياطير ياضارب المشهاة **** يامقطع القاع بالريشي
دور عشيري لياما تلقاه **** قله تره ربع الجيشي
و أغبن قلبي على لاماه **** ياناقضاة العكاريشي
كم عقله ذوقوهن iiماه **** ماهن ركايب حواشيشي
-
الله يبيض وجه الايام ياخوك اللي تعرفنا بمثلك وشرواك
اشكركم كم لدي سؤال اخر قد يكون ثقيلا قليلا وان رأيتم سحبه فلكم ذلك
شاعرة شمريه اخرى لا اعلم اسمها
عشقت حمود الحميداني عشقا عفيفا
فقالت
وقالت بعد ان رحلوا عنهم
ياحلو مقطانكم يامطير ** مير البلا كان شديتوا
مطير يامشبعين الطير ** في سهلة وان تناخيتو
فأتهمها قومها بريبه وقال شاعرهم
يابنت عدك عليه ورود ** عطن عليه الحميداني
روى صراته غضي العو ** واقفى عن العد روياني
غضبت وقالت
شمر عسى حضكم مقرود** والله وبالله ماجاني
عساه يلحاكم بن سعود ** بسيوف بيدين غلماني
وبعد مده جائها خاطب فقالت لأمها
يايوم (يا أمي) ماريد كود حمود ** اللي ذبحني وانا حيه
يفداه ابويه واخوي سعود ** واللي بعد من دوانيه
يوفداه من ينقل البارود ** واللي تحيزم بشبريه
ويفداه من يجذب البالود** واللي وقف له على الطيه
هل لها مزيد من الشعر؟؟
وان رأيتم حذف االموضوع فلكم ذلك:)
