أنا بدوي................

[poet font="Simplified Arabic,14,white,normal,normal" bkcolor="" bkimage="" border="double,4,gray" type=0 line=200% align=center use=sp char="" num="0,black"]
صادفتها بالسوق من دون منطوق = تمشي لحاله مامعاها صحايب
بوسط الرياض بعالي السوق من فوق = بسوق الذهب يمشي طويل الذوايب
شفت الجمال وصرت بالهرج مطفوق = وسلمت عليٌٌٌٌٌه كن أهلها نسايب
وقلت الهوى من بيننا صار له ذوق = من شفتكم شب بقلبي لهايب
قال تعرفني قلت تحشم عن العوق = قلت أنا أحبك قال لا ياعجايب
تمشي وتطرد من هوى البيض ملحوق = أنا صغيرة سن والا إنت شايب
قلت البلى سن الجهل خير معشوق = وانا دموعي فوق خدي سكايب
قالت علامك ترتجف تقل محروق = والا عليل(ن) جهزوله نصايب
قلت ابكي قلبي حط في وسط صندوق = داخل حشاك وعطرته الذوايب
قالت علامك تجذبك سرعة الشوق = كانك مريض بالمصحه طبايب
قال بدوي قلت البداوه لها ذوق = أنا بدوي ومعرب بالنسايب
والحب يجري بكل حي(ن) ومخلوق = والله يسير فلكها والهبايب
قالت سلام ولا بقى ح وحقوق = هيا تقدم للاهل والقرايب
وجاني من اهلها واحد صار خازوق = وراحت بسرعه خشية للمصايب
وضاعت وضيعته مع زحمة السوق = من دون ماخذ عنوانها والكتايب
غفل(ن) وما بالوجه وسمٍٍ(ن)ولا دقوق = من يومها وانا دموعي سكايب



مع تحيات / أبو ظاهر الشمري

[/poet]

الاخ/المرعب .بحق انت مبدع وصح لسانك والقصيده فوق الرائعه وسجل اعجابي على الهواء مباشره
ولك التحيه؛؛؛راعي العميشاء

صح بدنك وشكرا على هذا الكلام الطيب والرائع دائما أنت فكلماتك الجميله لاحدود لها
والشكر كل الشكر لك أخي راعي العميشاء ويكفينا فخراً أن القصيده حازت على إعجاب شخصك الكريم

مع تحيات / صاحب القصيده أبوظاهر
وكاتبها / أبو الجوزاء

ودمتم

صح لسانك
0
0
0ولا هنت
0
0رائعه من رائع
0
0
0لك تحيا11111تي

الشاعر ابو ظاهر

صح لسانك

على الابيات الرائعه.....

وصح لسن شاعرنا ابوظاهر
تقبل تحيات اخوك شمالي

شكرا من الأعماق لكم على هذا الكلام الحلو

ودمتم

أخوكم/ أبو الجوزاء

شكرا على ما أبديت من ملاحظه لكني أتمنى من شخصك الكريم قراءة القصيده مره أخرى شطرا شطرا وبتأني وستدرك أنت لوحدك أن الشاعر يقصد بما قاله أنه على سنة الله وسنة رسوله وبشرف فسترى أن الشاعر أحب بشرف وأراد الزواج لولا ماحصل من مجيء قريبها ومن ثم إضاعته لها فهو لايعرف بيتها ولامكانهاولا أهلها ولذلك أصبحت دموع الشاعر بعد فقدانها كما قال سكايب وكل ذلك واضح بقراءة القصيده بتأني وستجد أنه في أحد الأبيات نفىأن يكون رأى عليها شيئا أو أنه رأى مايسيء إليها
وذلك بقوله / قال تعرفني قلت تحشم عن العوق أي محشوم من الرذ يله
وتقبل تحياتي شاكرا لك ما أبديت من ملاحظه
أخوك / عايد المرعب

قصيدة جميلة لكن البيت هذا فيه كلمة(( عنوانها ))
وضاعت وضيعته مع زحمة iiالسوق
............................ من دون ماخذ عنوانها iiوالكتايب


ولك تحياتي وياهلا

صح لسانك ولسان الشاعر وانقل له تحياتي