عرض للطباعة
بسم الله الرحمن الرحيم
السلام عليكم ورحمة الله وبركاته
الشهر مبروك عليكم وعلى عموم المسلمين
لي سؤال عن فخذ من شمر يوجد فخذ يقالهم (( المهيني)) سئلت كم واحد من شمر واحد قال من الجعفر من عبده ومجموعه يقولون من الروله
هل هم من شمر او من الروله وانا اشوف يوجد عضو بهذا الاسم ارجو اللي يعرف يجاوبني
ودمتم
نواش
اهلا وسهلا بالاخ نواش وكل عام وانت بخير والشهر عليك مبارك
يارجل وين رحت طلعت لنا شوين واختفيت سلامات
نرجع للموضوع
الظفير يعرفون الجعفر فخذ فخذ وعندكم ماشالله العلامه /بن شوكان لو نشده علمك في كل فخوذ عبده
انت سؤالك منهم المهيني اللي انت تقصدهم فيه مهيني من الجعفر من الخضير من الخليل عايله صغيره
وفيه المهيني من القشعم عايله ماهي كثيره وجدهم اللي يجتمعون به كان مع الروله والروله خواله القعاقعه من الروله وعاش مع خواله فتره من الزمن ورجع الى جماعته القشعم شيوخهم الثويني وتاريخهم قديم جدا
وفيه كتاب عنوانه ((القشعم من كبار القبائل)) والمؤلف عبداللطيف الثويني
وجميع التفاصيل مذكوره في هذا الكتاب عن القشعم
اما حسب معرفتي انا هم مع الجعفر والله اعلم
الف شكر اخوي الحيمري بعدين لاتستقرب من سؤالي عن هذه العايله ونعم بهم وبك
انت تعرف ليه سئلت
وانا سؤالي عن المهيني اللي من القشعم
هلا أخوي نواش
المهيني من القشعم من الجعفر طال عمرك
أما قول الحيمري إن جدنا مع الروله فهذا غلط كبير جداً
قد يكون إلتبس عليه الأمر فـ شعيب ولد مهيني أمه من الصقور من عنزة
.
.
.
قرية المهينية شمال من الخوير بحوالي 15 كيلو
وراعيه عواد بن حمود بن مهيني الله يرحمه
وإن بغيت أحد بعينه بإمكانك السؤال عنه على العام أو على الخاص
وياهلا
الاخ عبدالله المهيني
اولا كلامي مافيه غلط ابد الرد موجود قدامك شنهو الغلط يابعد تسبتي انت اللي كلامي غلط 100%
1- مهيني تزوج بنت القعقاع من الروله وهم على الاجفر بالصيف
2- عندماشدو الروله لديارهم قال مهيني الزوجته تبين عندي او مع هلك قالت ابي مع هلي قال روحي انتي طالق
3- اصبحت الحرمه حامل وبعده جابت ولد وسموه شعيب والحرمه تزوجت من جماعته وشعيب تربا عليه يحسبه ابوه حتى وصل عمره فوق العشرين سنه
وجا العب مع العيال لعبه البدو وقاله واحد يغريب كن اديب ورجع شعيب لمه قال انا من اكون واذا ماخبرتيني والله لاذبح روحي
قالت له انت ولد مهيني من القشعم وشفهم بنواحي حائل وشعيب شد ذلوله وتوجه يم جماعته يوم وصل ديار شمر نشد عن هله وقالو له على لينه وجاء عند والده باليل ماعنده اللا بناته وهو شايبا منحي بلعمر قال انا ولد
رد عليه ابوه قال انت منت ولدي اذا انت ولدي شف البل بنازيه الطلوع معها فلان وفلان تلقاهم يلعبون بالسيوف جنب
شف ثاري عند فلان اضربه وادخل على فلان وفعلا تثارى شعيب لوالده والباقي تعرف القصه قصه طويله مايحتاج سردها
واذا انت ماتعرف هالسالفه انشد اي واحد من اللي حولك
بعدين ثاني مره لاتقول غلط وانت ماتعرف شي وين الغلط هل انا قلت المهيني من الروله فقط قلت من القشعم وفيه (( كتاب القشعم من كبار القبايل )) هذا غلط