دخيل الله ياحايل .. (قصيده صوتيه)../ لـ/ بدر الضبعان
[align=right]مدخل :[/align][align=right]
ودعت حايل وكل أرض شماليه
. مستقبلي حدني عنها ومشاني
ودعت حايل شماليه وقبليه
. ودعت شمر بعد حيي وحياني[/align]
[align=center]حائل هي المدينة التي ملكت قلوب من سكنها ، وانا منهم
متواضعه بسيطه كتبتها بيني وبيني في عالمي الخاص ، أحببت أن تشاركوني هذه المحبه
مع أمنياتي ان ترتقي لسكرة ذائقتكم
()()()()()()()()
القصيده بصيغة mp3
http://www.aldhab3an.com/bader-s/yahail.MP3
القصيدة بصيغة rm
http://www.aldhab3an.com/bader-s/yahail.rm
()()()()()()()()
[/align]
[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] دخيل الله ياحايل ابي أسبق دموع العين = وأبسأل : لو رحل عنك أحد يغليك .. تنسينه؟!
أحد عاش العمر شاقي عشانك بس ترتاحين = يشوف الراحه بحضنك اذا جيتي تضمينه
أحد عمره على شوفك من أول مارحل .. للحين = على كثر الأماكن مالقى غيرك ملا عينه
كتب أجمل قصيده في عيونك من قبل عامين = ولازالت على مر السنين أجمل بساتينه
كتب (ودعت حايل) من بعد هاك الوداع الشين = ولا جاله أحد يمســح دموعه (غير كفّينه)
خذا مده وهو يزرع أماني ./ والأماني طين = ولاحصّل من غيابك (أمل) يسقي شرايينه
تعالي شوفي / طعون الغياب / ومضرب السكين = تعالي وأحكمي / وأنتي لك عيونه وغالينه
تعالي يابلد (أمي) (وأبوي) وموطن الغالين = تعالي بس .. وأنتي لاحضرتي له تداوينه
مطر غيم ٍ سقى صدر الجفاف وسيّل النهرين = حيا عشبه على مد النظر وأنتي تخبرينه
أمانه عاد ياحايل ابي منك جواب الحين = تراني عايش ٍ عمري على كلمه تقولينه
أنا .. وافي معك وإلا مقصر ؟!! وأنتي تشوفين = رخص عمري على دمعك ولافكرت بسنينه
دخيلك ياثرى حاتم أبي أسبق دموع العين = وأبسأل : لو بدر سافر ؟! أو أنه مات ؟! تنسينه ؟![/poem]
[align=center]وأعتذر عن قلة تواجدي لظروف قد لاتعطيني الكثير من العذر ولكن صدوركم أكبر لتقبله :)[/align]
[align=left]مخرج :
الله ياهمي كنه جمرة ٍ حيه .
أخفي دموعي وحر الشوق بكّاني
يادار حاتم ترى لو طالت الجيه .
والله لرجع وانا مشتاق ولهاني[/align]
[align=center]لكم محبتي / بدر الضبعان[/align]
