بـغـــيـبتــك تــمــثــــــــــــــال ...... للشاعر بدر فهد الظفيري
إلى متى ، الغربه !!
على كثر السنين اللى مضت لي ماشكيت الحال
وعلى كثر الطعون الي من ايدك مابكت عيني
انا احبك ولا ني خايفٍ لو قالوا العذال
ولكن البلا بيدك على العذال ترميني
حسافه ليه تهديني قصايد تفرح الانذال
كتبتك بالوفى صادق وانا اشوفك تخونيني
اجيك بقلبي وشوقي يسابق خطوة الاميال
وشوفك فرحت عيوني وابي منك تضميني
انا ياعمري الباقي اشوفك دنيتي لوطال
حنينك والوعد واجمل حكاية بينك وبيني
امانه لا تجافيني وشعري بغيبتك قتال
ذبحني كل شي فيني امانه لا تجافيني
واذا عشتي مع غيري تراني بغيبتك تمثال
انا كل حس بي ميت وابي منك تعزيني
..
..
وتستمر هذه ، الغربه ! .. إلى غربـة ، أخـرى !
