يـا ربي مالي ذنووووب [ إلا ] هوى المحبووووب ..
.
.
السلام عليكم ورحمة الله وبركاته ..
وش رآيكم بـ العنوان ..؟ :biggrin:
..
مشكله لا حبيت احد .. كل الناس يصيرون ضدك و يفهمونك غلط ..!
حتى هو يصير متفرج و لا يقدر يدافع عنك .. :frown:
و هذا بـ الضبط اللي صار لي مع دراستي .. :rolleyes:
من أول ما بديت أدرس إنجليزي و العواذل بدوا شغلهم ..
كل عاذل ردّني عنك يالطرف الكحيل ...... يا عسى الله يقلعه .. يا عسى الله يقلعه :tongue:
المهم ..
صار لي كذا موقف مع ناس ماهم فاهمين يعني شنهو تخصص أدب إنجليزي ..!
..
أولاً :
كانن عندنا عجز متجمعات .. و وحده منهن طلعت من شنطته علبة حبوب و قالت : شوفي حقت وشو ؟
طبعاً كل الكلام مكتوب بـ الإنجليزي .. و المشكله إنه مصطلحات طبيه و خرابيط مدري وشي !
تقول أقري وش إسم العلاج ( يعني إذا قريتوه له تبي تعرفوه ؟ :biggrin: )
هي الله يشفيه به سكر .. يعني بالله وشو العلاج ؟ مضاد حيوي مثلاً ! أكيد إنوه منظم سكر .. :mad:
يوم رجعتوه له قلت : منظم سكر ..
قالت : اهااااااا .. قال لي الطبيب :biggrin:
تختبرن هي و وجهه ..! :redface:
أبي أفهم وش دخل الانجليزي بـ الطب ..؟!
..
مرة جيراننا الأخرى .. جتنا على ساس مسيره ..
إلا معاه ولده اللي بالمتوسط و معوه لوحه و خطاطات و كتاب الانجليزي ..
و أنا ينصفق وجهي أول ما شفت المنظر .. يبوني أسوي لوه اللوحه :puzzled:
المشكله خطي صغير :biggrin: و لا عمري سويت لوحه لا عربي و لا زفت اقصد انجليزي :biggrin:
بـ صراحه أستغربت من شي ..!
الولد وشولوه جاي ؟ يعني أنا ما أفهم ألا فيس تو فيس :solh:تسان قايل لأموه و هي تقول لي ..
توهقت بوه و أبي أصرفوه عشان أقدر أتمدد و أكتب اللوحه .. أرسلتوه لأبعد بقاله يجيب آيس كريم :242r:
يوم جاء ألا اللوحه جاهزه .. شوي و ينصفر يوم شافه :a: بس سكت .. لأني قاعده أقول لوه حلوه حلوه :biggrin: << القرد بعين اموه غزال
اللوحه تفشششششل .. بس تصلح للروضه :)
عقب فتره شفتوه و سألتوه عن اللوحه << له وجه تسأل بعد :tongue:
قال : الأستاذ سألن من سوا لك اللوحه .. قلت : ليه ؟ .. قال : لا عاد يسوي لك مره ثانيه :ezpi_blus
أبي أفهم وش دخل الانجليزي بـ الخط ؟!
..
آخر موقف .. هن كثيرات بس نكتفي بـ 3 بس ..
المهم ..
أمي تبي تسير على جارتنا وهاذي جارتنا قالت لأمي خلي فلانه تجي معتس ( تقصدن أنا )
أستغربت وشو لوه تلزم على أمي أني أجي معه ! :puzzled:
أثاري الأخت تبي تستفيد من خبلتي ( خبرتي :biggrin: )
و
تبيني أبرمج له الرسيفر :frown: لأنوه بـ الانجليزي .. ( صرت تكنيشن :cool: )
أشوا إني أعرف للرسيفرات و ألا تسان أتوهق صدز ..
لا عاد يوم شغلتوه .. طلع الدش متحرك بس ! بس غيرت اللغه حقت الرسيفر حطيته عربي :awink:
أبي أفهـــم وش دخل الانجليزي بـ الأجهزه و البرمجه ..!
ما عمر أحد سألن عن الروايات و الشعر و شكسبير و ديكنز .. مع إنوه هذا تخصصي :232r:
.
.
