هذه القصيده عزاء بالمرحوم له بأذن الله الشاب / طارق بن ابراهيم بن عبدالرحمن العريفي
وقفت عند القبر والقبر حاويــــــــه
وانا الآسى والحـزن كله حـويـتـــه
وقفت اطالع تربة القبر وابكيـــــــه
وماحـدٍ كـثر طارق قبل ذا بكـيتـــه
بكيت من تبكي اللـيالي مبـاديــــــه
بكـيت من هـو هـقـوتي لهـقـيـتــــه
والله لضم اتراب قبرٍ ثوى فيـــــــه
والله لبين كـل حـسٍ خــفـيـتـــــــــه
ياقبر لو تدري من اللي انت طاويه
كـل الكرم والطيب بلحـدك طويتـه
يارب تلهم بالصبر قلب واليــــــــه
قلبٍ يقـطـعه الآسى لطـريـتــــــــه
يالله طلبتك من لظى النار تنجيــــه
يارب تجعل جنة الخـلد بيـتـــــــــه
احمد بن عبد الرحمن العريفي
(نديم المجره)
