يارب لا ترخص مقامي عند وافين المقام ...
البارحه يا محمد عيوني مجافيها المنـــــــام...
اراجع ارشيف التجارب واستعيد دروســـــــها ...
لولا رجاي اللي غلب باسي غدا عزمي حطـــــــام ...
و الهم لو هز النشامى ما ينكس روسهـــــــا..
ماني بعتبانن على الدنيا ولا الحقها مـــــــلام ...
لكن نفس تعرف وتنكر تزيد حسوســـــــها ...
ياليت مالي ماقف بين ولا احضى بإهتـــــــمام ...
كان استرحت و خل من داس السلوم يدوسهـــــــا...
لكن عنوني مقدين السرايا في الزحـــــــام...
هل بيرقن لاسار قدام الصفوف يروسهـــــــا ...
وان ادري ان نفس الفتى ماهوب يرفعها الكـــــــلام...
ما دامها ما تكتسي من فعلها ملبوسهـــــــا ...
يا رب لا ترخص مقامي عند وافين المقـــــــام ...
و الا الضعوف ضعوف عجزت لاتعز نفوسهـــــــا ...
لو للمراجل سوق قايم تشترى فيه وتســـــــام ...
كان الرخوم استفردت بالمرجله بفلوسهـــــــا..
لكن بروق ما تخال الا من عيون الكـــــــرام ..
لله در رعودها وقنوفها و عسوسهـــــــا...
يارجل شيليني عن ديار اللئامه واللئـــــــام ..
اللي على الصاحب تحك ضروسها بضروسهـــــــا...
العمر باقي ما بعد قلنا على الدنيا الســـــــلام ...
والنفس بستان تبكر بالطموح غروســـــــها
تمت
لأحد شعرااائي المفضلين
(عبدالله الشهراني)
