يقول الشمــــــري...

[shdw]مســــــاكم الله بالخير والرضى والسرور ...[/shdw]

[gl]اخواني الاعزاء اعضاء منتدى شبكه شمر...يسرني ان اهدي لكم في البدايه ارق التحايا ,,,,[/gl]

[gl]وثانيا يشرفني ان اشارككم ابداعكم هذا بقصيده متواضعه مني...[/gl] [shdw]اهدي لكم هذة القصيده كعربون محبه وصداقه .....فهل تقبلونها من ..نواف الســــويدي؟؟؟[/shdw]

[poet font="Simplified Arabic,14,black,normal,normal" bkcolor="blac" bkimage="http://shammar.net/vb//backgrounds/47.gif" border="double,4,gray" type=0 line=200% align=center use=sp char="" num="0,black"]
يقول الشمري للي بحاله ميل
لاتشتكي من جور وقتك وناسه

دنيا توطي راس ويرفع بها ذيل
انسا الهنا به... لاترجى وناسه

دام الشقا مفروش دربه تساهيل
وشخص الهنا مقبور حوله حراسه

معذور لوهلت اعيونه هماليل
اللي من اول كان ياقو باسه

تشكي زمانن فيه ذقنا الغرابيل
هذا زمانن ما يبيله فراسه

هابيل ش جاله من ايدين قابيل
اخوان في قصتهم ارموز ياسه

دام العمر صحرا وفوقه مظاليل
غيومن مطرها هم يروى يباسه

ودام الشقا له ناسك معاويل
لو مالت الاحزان غصبن تواسه

وقتن نعيش انغامه حزن ومواويل
يعزف قهر فنانه والضيم مرواسه

ترى السعد به خذوه المهابيل
ومن ذمته باعه بسوق النخاسه

هذي حياتن كل ابوها بهاذيل
عنوانها بحرفن عريض التعاسه

ويالله ياكافي شرور المقابيل
بعد القروم شاخت علينا البساسه

يقوله من كل عمره قضى ويل
بحاضر لماضيه ياما خضع راسه

تمت وصلوا عدّ وبل المخاييل
على النبي اللي من الاشراف ساسه







[/poet]

تقبلواا تحياااتي ...

[gl]نــــواف السويـــدي,,,[/gl]

صح لسان اخوي نواف

ولاهنت

سلمت يمينك

الغالي ابدعت في وصف زمننا الحاضر بقصيده رائعه تستحق التمعن والوقوف امامها بس خلها على الله
ذكرتني ببيتين من الشعر ان لم تخني الذاكره

رخص الحصان ورخصو الغانميني 00000 وغلي الحمار وما اشتبه له من الناس

صار الردي يـــنــدف بــكتف متيني 00000 ولد الحموله صــــار يمشي مع الساس

تحياتي لك يامبدع

هـــذي حـيـاتـن كـــل ابــوهـا iiبـهـاذيل
عـنـوانـهـا بـحـرفـن عــريـض الـتـعـاسه

ابن فندي شاعر مبدع .................... ولاكن ماهذا التشائم ياأخي الدنيا لازالت بخير وما ضاقت الا توسعت ولاتنسى قول الحق سبحانه في الحديث القدسي ((أنا عند ظن عبدي فليظن بي عبدي مايشاء)) فتفاءل أخي بالخير وعسى ان نقرأ لك قريبا قصيده بقوة قصيدتك هذه لاكن( متفائله) ودمت سالما لاخوانك

بسم الله الرحمن الرحيم

الشاعر نواف

خيال واسع

لديك تصوير جيد

ولااادري هل تقبل ملاحظاتي البسيطه ام لا؟؟

بس اعتقد بانك شمالي وتقبلها مني

لانك تقدر ان تاتي بتوظيف افضل

وهناك خلل في الوزن

بداية من البيت الاول فعجز البيت مختلف عن صدره


ولكن لانهضم بعض المعاني والاقتباسات الجميله كقصة قابيل وهابيل

هذا راي والراي قابل للصح وللخطا

ولكن ماعمر الانسان جاء من بطن اّه متعلم ولكن مع الاخطاء سنعرف اصح

لك ودي وسلامي

البرنس شليويح التاسع
هلا وغلا بك اخوي ..وحياك الله....اسعدني مرورك ..وااسعدني اكثر تعليقك....والرائع هو حضورك.....وفعلا مثل ماقلت خلها على الله ..زمانن يشيب روس البزارين...((وخلها بالقلب تحرق مابقى,,,عادتي مااشكي على غيري عناي))
تسلم انت وهالبيتين اللي ذكرتهم..
تحياتي لك..



الاصمعي ..
اسمح لي بالبدايه ان اوجه لك اكبر تحيه احترام وتقدير لشخصك الكريم على هذا الدعم المعني لقصيدتي المتواضعه ولشاعر مبتدئ يثمن الايادي التي تشد على ازره...
اما بخصوص تعليقك عن التشاؤم ..فلاقتناعي التام بعدم وجود مايفرح قلوبنا في وقتنا الحالي ..عسى الله يفرجها بس قريب ..واابشر بقصائد قاادمه تشع تفاؤلا...
هلا وغلا بك يالغالي...

العضو المحترف...الاديب..

احلى باقه ورده اهديها لك ومعها اكبر تحيه لك ولتعليقك الغالي ...
لكن اسمح لي في البدايه قبل التعقيب على ردك ان اقول لك .....لقب الشاعر الذي وصفتني به كبير جدا على شخصي المتواضع....فلقب الشاعر كما نعلم انه ذا وزن ومكانه كبير لدى المجتمع القبلي لاتخفى على( عيال الحمايل)..ولكن للاسف في هذا الوقت اصبحت تطلق جزافا على كل شخص ...

ثانيا ...
اسرني جدا ملاحظاتك القيمه عن القصيده والتي غابت عن ذهني لكوني مبتدئ ...وصدقني ماطرحي لهذة القصيده الا لارى مثل هذة التعليقات منكم والملاحظات التي من شأنها ان تساهم في تنميه الموهبه لدي بشكل صحيح في اطار القافيه والوزن ....وكن على ثقه ان نواف السويدى كله صدر رحب لتقبل ملاحظاتكم على مشاركاته اين كانت .....ومثل ماقلت(( ماعمر الانسان جاء من بطن امّه متعلم ولكن مع الاخطاء سنعرف الصح))
r
ولك خاصه وللاعضاء عامه اهدي لكم هذة القصيده من جديد وبصياغه اكثر اتقانا انشاء الله...فتقبلها مني اخي الكريم....ولو حتى لا زالت تعاني من بعض القصور فاانا انتظر بشوق تعقيبك وجميع الاعضاء عليها..

تحيااااتي لكم اجمع..

نواف السويــــدي..

نواف السويدي صح لسانك


اخوك 000 فيصل اللويش

صح لسانك وكمان صح لسانك
اخي الكريم فعلا اجدت في وصف الزمن والزمن كما قيل متقلب

اخوك ابو فيصل

تسلم يمناك يانواف السويدي وحياك الله .

كفيت ووفيت وصدق الشمري.
وننتظر جديدك يبن السويدي

دنيا توطي راس ويرفع بها iiذيل
انسا الهنا به... لاترجى iiوناسه

صح لسانك نواف السويدي00

نتشرف فيك بيننــــــــا

ونتشرف أكثر بقراءة قصائدك

لاعدمناك

تقبل تحيــــــــات

أختـــــــــك000الغاليــــــة

[gl]هلا اخي فيصل اللويش...[/gl]

يشرفني فعلا مرورك الكريم ....وااسعدني فعلا هالتعليق ...لاحرمنا الله من تواجدك معنا عزيزي.....


[gl]Northwebs....[/gl]

هلا بك والله ابو فيصل ..صح بدنك يالغالي ....فعلا الزمن متقلب ودوام الحال من المحال ......هلا والله بك مرة ومرتين وثلاث يالغالي..


[gl]عبيد الزقروطي...[/gl]

اطلالتك على قصيدتي وكلماتك هذي وسام على صدر السويدي ..الله لاحمنا من هالتواجد يالغالي .....وابشر باللي يسرك.


[gl]الغاليــــه[/gl]

هلا بك اختي ..والله الشرف لي انا بتواجدي هنا ..والشرف اكثر لقصيدتي بتعليقك عليها ...لاعدمناك اختي...

تحيا111تي ...
[shdw]نواف السويــــدي[/shdw]