السلام عليكم ورحمة الله وبركاته
هذه القصة حصلت على احدى فتيات البادية وكانت تدرس بإحدى الجامعات السعودية وكما تعلمون بأن الجامعات يكون فيها القبيلي والحضري ، وكانت البدوية لها صويحبات قبايل وحضران وكانت احدى صديقاتها الحضريات من عائلة عطار بجوارها في القاعه تعيرها بانها ابدوية ماهي متحضره وريحتها وريحة ابوها نياق وطليان وبن وهيل فأخذت البنت تشكي لبوها صديقتها الحضرية ، فتهيض الشايب ابو البدوية وقال هذه القصيدة
ايه ابدوي ريحتـــي بــــن وابهار=هذا شــــرف ماهو بحقــــي خطيه
انا ابدوي ولــــد حريـــــن الأحرار=فزعـــــــات ربعي بالشدايد قويه
انا هلــــي يابنت وافيـــن الأشبار=كانك جهلتـــي مـــن أنا ياغبيه
يا جــاهلة ما تغذي الشمس الأنوار=حنـــا كما شمس على الأرض حيه
حنــا هَــــــلَ الطالات هيبه ومقدار=حنـــا مثـــالٍ للشــــرف والحميه
حنــا الطنايا بالكــرم رمز واشعار=حنـــا خـــويٍ مـــــا يخلي خويه
الذيب يوم انه عوى وسط الأسحار=عشــــوه ربعــي من سنينٍ مديه
يـــوم (ن)جــــدِّك وثّــق الــقفل بالدّار=بيت الشعر مفتوح صبح وعشيه
للضيـــــــف رَيِّــف وللمعاديــن جُبـاّر=نرد الحيـــاض ولا نـــهاب المنيه
يا بنت لو بكتب من اشعار واشعار=تــعجز حروف الشعـر والابجديه
اللــعب خلي اللــعب يابنت عطار=لاتدخليـــن السيــــل وانتي نديه
