شوف أنا لي رأي بهالموضوع
يمكن تشوفه شاطح شوي
بس لو قست الأمور من بعيد ببعضها
راح تحصل إنها ذات علاقة ببعضها
.
.
.
الاستراحة
الكل لازم يكون مشترك بإستراحة
الكبار والشباب
يعني كل ماجانا الليل ركبوا سياراتهم وين رايح للاستراحة
طيب يا جماعة ليه البيوت وش فيها شيء يعيبها
قالوا يا رجال خلنا نأخذ راحتنا بالإستراحة
بعدين متى مابغيت تجي تجي ومتى ما بغيت تروح تروح
لكن لو كان الرجال أو الشاب
يشب بمجلسه ويعزم على بيته
حتى أهل البيت ينبسطون وهم داخل بيتهم
وبكرا أسير على فلان ببيته وبعدها للثاني
وماهو شرط كل ليله مسير أو عازم
لأهل بيتك حق بالجلسه معهم أو الخروج معهم يمنه أو يسره
لذلك أنا واحد من الناس
لي شبه رسمية شبابية بالبيت وفيه يوم ثاني بالأسبوع عند واحد من عيال عمي نجتمع
هذا طبعاً غير شبة الشيبان الرسمية الصباحية اليومية
وأهل الإستراحات أسير عليهم يا حصلت فرغه
لذلك
لاني مرتبط بإستراحة ومريح رأسي ومأدي الحقوق اللي علي تجاه أهلي
ومأدي حق بيتي علي بأني أستقبل فيه المسايير
وخلاص
أوجعت رأسك صح
:)
