[منقوله من الاخ عبدالرحمن بن محمد الجروح]
هذه قصيده لوالدي محمد الجروح الصقري الشمري بمناسبة مافعله المدعو حمود بن نايل بن طوعان السويدي الشمري حينما قدر الله على ابنه بالقتل من يد ابن جاره وبعدها قام اب القاتل وسلم نفسه وابنه للشرطه وحينما علم اب المقتول الاخ حمود ذهب الى السجن وقال جاري لن يسجن لو ساعه واحده وقال انا اكفله واركبه معه بسيارته حتى اوصله بيته وهذا ليس غريب على حمود بن نايل الشمري الساكن بمدينة حائل فقلت بيتين من الشعر بهذه المناسبه:
لو كل رجل مثل حمود ابـن نايـل
ماتفقد القصـره عنـد الرجاجيـل
احيـا علـوم سامـع بـه سمايـل
سلوم الرجال الطيبيـن الحلاحيـل
ولده ذبيح وعمـر الانسـان زايـل
باسباب واقـدار ولا بـه تجاهيـل
على شرف مذبـوح مابـه فشايـل
الله يعوضـه بالبقـا والتماهـيـل
يوم انسجن فالح مشا حمود نايل
على السجون وطلعه بـاول الليـل
يقول جاري فـي سلـوم الحمايـل
والله مايسجـن ولا اطيـع ماقيـل
ونخيت شمر والقرى واهل حايـل
والبدو واللي يجهلـون التفاصيـل
عزوه وحطو بـه كثيـر المثايـل
وغزو له البيضاء على راس ماطيل
هذا كـلام مـن محمـد صمايـل
ماينتقضـى ياسولفـو بالتعالـيـل
علمآ ان قبل 4 سنوات دهس له
ولد في 16 /12 1426 هـ بحائل
دهسه شبه عمد فحط عليه بشارع والولد كان مترجل بلحاره
والداهس شمري من الغيثه وتنازل / حمود ابن نايل ابن طوعان السويدي
عن والده/ عبد الرحمن حمود وكان عمره 17 سنه وتنازل جزاه الله خير الجزا
وبعده بسنه صار علي الغيثي حادث وتوفي نسل الله السلامه
