قالوا سهرت وقلت من شهر شوال
[poem=font=",6,orange,bold,normal" bkcolor="black" bkimage="" border="double,4,orange" type=2 line=0 align=center use=ex num="0,black""]
قالوا سهرت وقلت من شهر شوال=ومانـاض مـن بـرقٍ عـيـونـي تخـيـله
اخيل بـرقٍ بالـدجـى يشعل اشعال=يوضـي على روس الرجـوم الطـويله
قالوا علامك قلت من شدهة البال=ولااخـبـر عـيـن الشهـم ترقد ذلـيـله
ولولا على كـتـفـي عـواجـيز وعـيال=يكـفـيـن عـن بـشـت الـمـطرز فـنيله
قالوا دروبك قلت شيـنـات وطوال=الـقـيـــظ كـاوي والـــمــوارد قـلـيـله
لا من ولـد عــمٍ ولا من ولـد خـال=وهـرجٍ بـوسـط الكـبـد يـوقـد فتيله
لانـي وصـلـت لـجـمــة الـبـيـر بحبال=ولا هـم عـطـوا روحـي توالي جميله
واليوم كتفي طاح من زود الاحمال=قالـوا نخـيـت وقـلـت مافـيـه حـيـله
هـذاك دور الحـثـربـي وابـن هـذال=يوم الـعـرب بالطيب تدخل دخـيله
لـو كان ابن عيده مع الناس مازال=والـلـه فـلا اذوق الـسـهـر كـل ليله
شيخٍ ويـغـنـي عـن ثـمـانـيـن خـيـال=الا ويــغــــنــي عـن رجـــال وقـبـــيــــله
واليوم لا تغويك كشخات الازوال=كـم كـاشـخٍ رايــه بـحـكــم الحـلـيـله
قالوا غـرامك قـلـت للـقـلب سلال=هـجـره عذاب وشوفـتـه مستحـيـله
عين اشـقـرٍ يـنـزل على نايف الجال=ولا حـام فـوق الـجـول يكـثر قـتيله
والجسم مـهـرة حـاكـمٍ بالعدى صال=والشلف بكـفـوف الـنـشـامى سليله
او غصن موزٍ مع هبوب الهواء مال=والـراس يـاصـل لـلــردايـف جـديله
والـريـح روضٍ جـاه بالوسـم هطال=وصارت زهور الريف مثل الخـمـيله
اقفى بها زمل العـنى يـهـذل اهـذال=وبـعـض الـطـرايـق للـنـشـامى فشيله
لا هو سـقانـي من ثـنـايـاه فـنـجـال=ولا هو ترك سيل العرب في مسيله
وغديت مثل اللي طمع بأشهب اللال=في لاهــب الجـوزاء وخـلا صـمـيـله
قالوا جـوابـك قلـت يانـاس رحال=مادام مـالــي بالـمــواصـل وسـيـله
لاصار مالي مع هوى البال مدخال=افضل من نزول الـضـعـاين رحيله
الزمل مايـقـوى على الـثـقـل لامال=والـــذود مايـرويــــه نـقــع الـثـــمـــيـله
قالـوا حـلالك قلت ماعـاد لي مال=لانــي وزيـر ولا كـفــوفــي بـخـيـــله
قالوا بـعـيـد وقلـت لو يجـدع الحال=والجــدي في شـهب الـفـيـافي دلـيـله
اقطع مـهـامـيــهٍ بـهـا الـقـلـب يـهـتـال=تطفي عـن قـلـوب الـنـشـامـى غلـيله
قالوا ونيـسك قلت زيـنـات الامثال=والشعـر هـو طـب الـقـلـوب العـليله
عندي قصيد الخلق في كل الاجـيال=وان هضت جبت من القوافي جزيله
ياما سـرى شـعـري مـع الناس موال=وش عاد لو يكتب عـن اسمي بديله
لـي ضـامـرٍ يـبـدع عـلى كل مـنـوال=وان ثار جمر الـكـبـد يـطفي غـلـيــله
ونصـيـت شيخ له مـكـانــه ومـنـزال=يـغـنـيـك عـن طـيب الخلايق شليله
شيـخٍ بالاسلم درع كان الدهر مال=فـي مـنـزلٍ كـل الـخـلايـق تـجـي له
وان جيت ابوثاني على كل الاحوال=تـرقــد عـيــونـك فـي سعادة مقـيـله
ياما فـنــى فـي هـدتــه ذود وريـال=مـركـاي لاطــاحــت ركـابــي هــزيـله
من لابــة كــل الـعـرب مـنــه تـهـتـال=سبعة قــرون سـروجـهـم فوق خيله
شيـخــة عــرب ماوقـتـهـا يوم وهلال=الا سـنــــيــــنٍ مـســــمـــلاتٍ طــويــلـه
شـيــخ لمكسور الـعـرب ريـف وظلال=طيبه غدى مـثـل الـسـحـايـب هـميله
ارحـم من الـوالد بوجـعـان الاطـفـال=ولا يـنـجـحـد طـيـب الكــرام وجـميله
وقفاتهم لـلــي شـكـى الـحـال مدهال=ربـــي جــعـــلـــهـم مـثــل وارد سـبـيـله
وتحيتي تاصل كـريـمـين الاسبال=يـا لابـــــةٍ طـيـبــه نـفـــل كـــل جــيــــله
[/poem]
