(( يا وقت .. تبنا .. والله .. انا تعبنا
عشنا وعرفنـا .. والبـلا انـا عرفنـا
بعض المعرفه .. كسبهـا هـم وأتعـاب
يـا وقـت تبنـا .. والله انـا تعبـنـا
ما عاد نبغا شي .. يـا الوقـت تنهـاب
عفنـا وكرهنـا .. كـل شـي وندمنـا
خابـت هقاويـنـا .. والايــام دولاب
كنـا وكنـا .. لكـن الـيـوم خفـنـا
صرنا نهل الدمـع .. نشكـي ونرتـاب
يا وقت وان كـان .. الليالـي اظلمنـا
ارفق بنا .. لا يكلـش الذيـب الانيـاب
حنـا وفينـا .. لكـن انـا انغـدرنـا
بأيدين ناس(ن) .. كانوا اصحاب واقراب
يا مـا بغينـا .. والحيـا هـو منعنـا
طبع(ن) لنا .. والطبع للنفـس غـلاب
رح اسـأل التاريـخ .. يـا مـا فعلنـا
بدو(ن) نعيش .. ونعتلي كـل مرقـاب
نجـوع .. لكـنـا نكـابـر وجعـنـا
نخاف .. من شمتة .. عذول(ن) وكذاب
يـا مـا مشينـا .. والجيـوش اتبعتنـا
نا طا .. على افواه الافاعي مع الـداب
حنـا ثبتنـا .. ليـن حنـا انتصـرنـا
نلنا الكرامـه .. والقبـر هيلـة تـراب
وش ضرنـا .. بأيـام هيبـة جهلـنـا
وش فادنـا ..والعـرف للهم جــلاب
يـا وقـت .. تبنـا .. والله انـا تعبنـا
ما عاد نبغا شي .. يالوقـت تنهـاب ..
الشاعر ////عبدالعزيز وادي الشملاني
