يابو فهد لاصرت تنشد عن الحال ...
في شريط المواضيع رأيت أبو فهد
فتذكرت هذه القصيدة لا أعلم لماذا ؟
لكن ..
مما أعجبني أتمنى أن تعجبكم ...
يابو فهد لاصرت تنشد عن الحال
..............................حالي بها ياخوك عشرين عله
لي صاحب يسوى ثلاثين رجال
...............................كلن شهد وانا بعد شاهدن له
طيب وفـي كريم في كـل الاحوال
.............................. ومن عاشره اقسم قسم ما يمله
كنت اتعذر له اذا زل او عال
............................. بيني وبينه ماتجي اي زله
ما كنت اظنه يسمع القيل والقال
.............................. الين ماقفى وانا مقبلن له
كشر بوجهي واحسبه ضايق البال
............................ واقول في نفسي مهي عادتن له
اثره سمع يابو فهد هرج الانذال
.............................حطوني ابغظته وانا منصح له
واليوم ابيك تحلها وانت حلال
............................يا سيفي اللي لاتضايقت اسله
يا طيب فعلك يوم اطالع بالافعال
............................انا اشهد ان اللي يغلك تغله
يابو فهد كن المراجل لك عيال
.............................والطيب كنه عود وانت ولد له
ابيك تنشد وش بلا صاحبي مال
............................رح وشف وشبه تغير وقل له
كانه يبيني حاول تحل الاشكال
............................وكانه مقفي جعلها سفره له
صح لسان الشاعر ..
و الله لا يجيب الزعل
شكرا لكم
