سقى الله يوم انا طفله وأنام ولاأحد قدي
ولاأحاتي هموم اليوم ولا احاتي أمل بكره
تداعب أمي بشعري وتمسح يدهـا خدي
ونومي هادي وساكن رعانا الله في ستره
تلاعب يدي الدميه وعندي هالزمن وردي
همومي لعبتي ضاعت وعندي هم وشكبره
كبرت وزادت همومي وأحس أن الزمن ضدي
كبرت ونظرة الطفله تعيش بداخلي فطره
كبرت وعشت هالدنيا كبرت ولاهو بيدي
كبرت بشكلي ورسمي وعقلي باقي بصغره
وصار الهم يلعب بي كما الدميات في يدي
وأسامر ليلي بطوله ويعلن رحلته فجره
زماني كشر بنابه وصبري بيح بسدي
حياة بحرها هادر وكل غارق بشبره
بشر تاكل بعض..تاكل وتحرق عينها جلدي
بشر تسرق صفا خاطري وكحل العين بالابره
ياليت وياليت أنا طفله وأنام ولاحد قدي
ولاأحاتي هموم اليوم ولا احاتي أمل بكره
الشاعره..بنت حميد
