يوسف

تحياتي لكم
تحـياتي لكم ياللي لكم كل التــحيه
بريحة عطر مدموجـه بريحتكم مـنقايه
الا ياللي بمهمستكم تداعب روح زكيه
والا ياللي بشوفتكم غدت لعروق مـسقايه
فدتك الروح ياللي روحكم تـبقى هنيه
وانا من عقبكم ادري بتبقى الروح شـقايه
اهاذي بصوتكم وتزيد بي كل الــبليه
افكر التـهي لـكن اشـوفك حالم ويايـه
وش الحيله في هذا الشي وش الــنيه
يا ليت الوقت يبحر بي الا اللي ماله نهايه
بـكون انا ابادلك المحبه لو بالخــفيه
اباك انت مـثل منته يلين تحـصل الغايه
وانابطلب من المولى يصبر قلبي شويه
يلين اكون انا مثلك وانسى الماضي التايه
فمان الله يحفـظك ربي ورب البـريه
تحـياتي لكم ياللي لـكم اجـمل مـنايه


يوسف
16/7/2002

ياهلا والله ومسهلا
نورت المضايف بقدومك اخوي يوسف
زدنا شرف بانظمامك معنا
واشكرك على هذه الابيات الجميله
وبانتظار جديدك اخوي يوسف

بصراحه يعني ما ادري كيف اعبر عن الشكر الخالص لكم وطبعا هذا كله من ذوقك وان شاءالله الجديد لكم كله وما عليكم زود طال عمرك ويا مرحبا بكم

هلا بك يابعد حي هلا بك مرحبا مليون ..... هلا يامرحباً باللي يسر الروح بأخباره

هلا بالاخ العزيز يوسف المرزوق وحياك الله معانا ...نتمنى نشوف لك قصايد هنيّا

وتقبل تحيات اخوك:
فهد
الاسلمي