طلب قصيده لفهد المارك

الاخوة الفضلاء مشرفي مضيف قصة وقصيدة
ابحث عن قصيده للشاعر والاديب الكبير فهد المارك والتي مطلعها:
عسى الحيا في حايل حاير ماه
.................يسقيك يادار بها الجود ماجود
واكون شاكر ومقدر لو افدتونا عنها
تحياتي للجميع

هلا بالعقداوي

رحم الله الاديب الكبير فهد المارك

[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
عسى الحيا في حايل حاير ماه=يسقيك يادار به الجود ماجود
يابو فهد القلب يستر لطرياه=يذكر على حايل مراهيش ورعود
عساه كل اسبوع تجري شغاياه=آمين يافرد على الخلق معبود
يخضر وطنها والعراميش ترعاه=يفرح به الملهوف ويبقى به الزود
أطلب لها لو كان ماني برجواه=لو صار خيره مالنا فيه مقصود
هي امنا نطلب لها كيف ننساه =والوالده ماينكره كود مقرود
منها عياله ماتردى غذاياه=دار غذاياه صناديد وفهود
دار الندى والمجد والطيب بحماه=دار الشجاعه والصخا مركز الجود
دار ذرا جاره ولا عاد نشناه=تستر عيوبه لو بدا منه منقود
يادار لو جسمي بعيد بماراه=القلب يمك ناير تقل مطرود
دار بها الشيمه عصت ماتعداه=دار بها الاحسان والبر ماكود
يادار كل ديار لاجلك تركناه=نومي بغيرك ماتهنيته رقود
يادار حاتم والذي منشي ماه=لولا الوزا ماكان نجزاه بصدود
هذا وصلو كل ماحل طرياه=على نبي خصه الله بالجود
[/poem]

اخي مشعل
الف الف شكر
كفيت ووفيت لاهنت
تحياتي

ما قصرت يا ابو حاشم


يعطيك العافيه يا الغالي