اذا راحل بحفظ الله تسهل في طريقك روح
وجرب تلقى في هالكون من تقدر تساويني
واذا بترحل وتترك لي عذاب فالعروق يفوح
أجل خذ من شذى نبض زرعته في شراييني
بعد مدة بتبني لك على الذكرى وفي صروح
وتسكن برجك العاجي وتحلم باللقاء فيني
وتندم بعد ماضاعت من ايامك بقايا بوح
ربط بأجمل مواثيقه مابين ايديك وايديني
يكون بعلمك من الحين بدفن حلمي المذبوح
وأبيع اللي يبيعوني و لاأبي من يعزيني
واذا نجم الهوى صار يتلالا بالسماء ويلوح
ابمحي به سراب كان في لحظات يغريني
واذا جمر الوداع اشعل عتاب فالحشا وجروح
بحرق به غرام كان لي جرحي وسكيني
ابحتمل وابتصبر وابسكت..وش عليه انوح
مادام أن آخر المشهد حبيب صد ناسيني
وابلفظ آخر انفاسي والملم بعثرات الروح
وأضيع بالفضا زيف الصديق اللي مخاويني,,,,,,!
< شعر نوازف >
