مارقدت البارحه جفني سهير /// والله اني ما تذوقت الكرى !!
بسم الله الرحمن الرحيم
متواضعه اتمنى ان ترتقي لذائقة الجميــــــع /
.
.
.
.
ما رقدت البارحه..جفني سهير
,,,,,,,, و الله اني ما تذوّقت الكرى
الله أعلم في حياتي وش يصير
,,,,,,,, ياترى هل بلتقي به ياترى!!
أم بكمّل عيشتي عقبه ضرير!!
,,,,,,,, خلّي اللي عن دموعي مادرى
من عقب جبري غدى حالي كسير
,,,,,,,, مابقى دمع ٍ بعيني ما جرى
ياوجودي وجد .. شبّاب السعير
,,,,,,,, و (القدر) بالنار دفّه من ورى
طاح فيها وأصبح الموقف خطير
,,,,,,,, ما قدر ينجى ولا جرحه برى
وياوجودي وجد .. طير ٍ ما يطير
,,,,,,,, صُوِّب ببندق .. و عوّد للثرى
طاح ينزف حي .. مجهول المصير
,,,,,,,, لا لقوه .. ولا لقى ظلّ و ذرى
ويا رغي حالي مثل رغي البعير
,,,,,,,, يوم صفّ بداخل المسلخ سرى
ينتظر موته .. عقب ذاك الهدير ,,
,,,,,,,, وقبل ما يُذبح ,, تهرّى واهترى
وياوجودي وجد .. خفّاق الغرير
,,,,,,,, مات ابوه .. وماتت امّه وانفرى
عاش ضايع .. لا يجار ولا يجير
,,,,,,,, من ردى حظّه على حاله ضرى
وياوجودي وجد .. رجال ٍ فقير
,,,,,,,, من عرف دنياه و ايديه افقرى
ما ينام ,, الا على قش وحصير
,,,,,,,, رغم ذلك ما طلب عون اومرى!!
ويا صدع راسي على ذاك العشير
,,,,,,,, انفجر و آمووووت لا منه طرى
يشهد الله .. ما توقعته يطير !!!!
,,,,,,,, بعت لجله ناس لكن ماشرى!!!
كل ما قرّبت لورود ((( الغدير )))
,,,,,,,, جف مااااه .. ولا لقيت الا ثرى !؟
ضااااع حلمي .. وأصبح الليله نثير
,,,,,,,, ما يُجمّع وان تجمّع .... ينثرى
.
.
انتهينا .... لا شهيق ولا زفير !!
,,,,,,,, والله اللي يعلم الخااافي درى
(( مارقدت البارحه جفني سهير
,,,,,,,, و أشد اني ما تذوّقت الكرى ))
(
)
(
)
وسلامتكم
محبكم
عبدالمجيـد بن محمد الشمـري
( الأشمـل )
